News
Լրահոս
News
Երեքշաբթի
Հոկտեմբեր 15
USD
476.57
EUR
524.89
RUB
7.4
ME-USD
0.08
Տեսնել լրահոսը

Ապրիլի 15-ին Մոսկվայում Ռուսաստանի նախաձեռնությամբ կայացավ Հայաստանի, Ադրբեջանի եւ Ռուսաստանի ԱԳ նախարարներ Զոհրաբ Մնացականյանի, Էլմար Մամեդյարովի եւ Սերգեյ Լավրովի աշխատանքային հանդիպումը, որին նաեւ մասնակցեցին ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ), ինչպես նաեւ ԵԱՀԿ գործող նախագահի անձնական ներկայացուցիչ Անջեյ Կասպրչիկը:

Հանդիպմանը շարունակվեց ղարաբաղյան հիմնախնդրի խաղաղ կարգավորման գործընթացի առաջմղման հեռանկարների դիտարկումը՝ հաշվի առնելով ս.թ. մարտի 29-ին Վիեննայում Հայաստանի եւ Ադրբեջանի առաջնորդների միջեւ կայացած հանդիպման արդյունքները:

Տեղի ունեցավ մտքերի փոխանակում հակամարտության գոտում լարվածության հետագա նվազեցմանն ուղղված միջոցառումների, ինչպես նաեւ հումանիտար ոլորտում հնարավոր փոխգործակցության շուրջ:

Հանդիպման արդյունքներով ընդունվեց համատեղ հայտարարություն․

«Ապրիլի 15-ին Մոսկվայում ռուսաստանյան կողմի նախաձեռնությամբ տեղի ունեցավ Ռուսաստանի, Ադրբեջանի եւ Հայաստանի ԱԳ նախարարներ Սերգեյ Լավրովի, Էլմար Մամեդյարովի եւ Զոհրաբ Մնացականյանի աշխատանքային հանդիպումը, որին միացան  ԵԱՀԿ Մինսկի խմբի համանախագահներ Իգոր Պոպովը (Ռուսաստան), Էնդրյու Շոֆերը (ԱՄՆ), Ստեֆան Վիսկոնտին (Ֆրանսիա),  ինչպես նաեւ ԵԱՀԿ գործող նախագահի՝ Լեռնային Ղարաբաղի հարցով անձնական ներկայացուցիչ Անջեյ Կասպրչիկը:

Ի զարգացումն ս.թ. մարտի 29-ին Վիեննայում Ադրբեջանի նախագահ Իլհամ Ալիեւի եւ Հայաստանի վարչապետ Նիկոլ Փաշինյանի միջեւ կայացած գագաթաժողովի ժամանակ ձեռք բերված պայմանավորվածությունների՝ հանդիպման մասնակիցները քննարկեցին իրադրությունը սահմանին եւ շփման գծում, ինչպես նաեւ հումանիտար ոլորտում փոխգործակցության հաստատման հեռանկարները:

Տեղի ունեցավ մտքերի հանգամանալի  փոխանակում կարգավորման հիմնարար հարցերի շուրջ:

Հայաստանի եւ Ադրբեջանի ԱԳ նախարարները վերահաստատեցին կողմերի մտադրությունը շարունակելու քաղաքական-դիվանագիտական միջոցներով ղարաբաղյան հակամարտության կարգավորման ուղղությամբ ջանքերը: Ընդգծվեց շահագրգռվածությունը հակամարտության գոտում իրադրության հետագա կայունացման ուղղությամբ, մասնավորապես գյուղատնտեսական աշխատանքների ժամանակաշրջանում:

Նրանք նաեւ պայմանավորվեցին փոխադարձության հիման վրա միջոցներ ձեռնարկել թույլատրելու կողմերի տարածքում կալանքի մեջ գտնվող անձանց հարազատների այցերը: Նախարարները պատրաստակամություն հայտնեցին գործնական միջոցներ ձեռնարկել մարդկանց միջեւ շփումների հաստատման ուղղությամբ, այդ թվում ԶԼՄ-ների ներկայացուցիչների փոխադարձ այցելությունների միջոցով:

Ռուսաստանի Դաշնության ԱԳ նախարարը եւ ԵԱՀԿ Մինսկի խմբի համանախագահները վերահաստատեցին իրենց հանձնառությունը միջնորդական առաքելությանը՝ ուղղված տարածաշրջանում կայուն խաղաղության հաստատմանը: Հանդիպման մասնակիցները պայմանավորվեցին շարունակել շփումները մոտ ապագայում»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Քաղաքականության մեջ կարող է նման բացթողում լինել». Բալասանյանը՝ «Աղդամը մեր հայրենիքը չէ» արտահայտության մասին
Այնպես չէ, որ Սերժ Սարգսյան ասել է՝ Աղդամը մեր հայրենիքը չէ եւ դա եղել է բանակցային սեղանին դրված փաստաթուղթ...
Փաշինյանը հայտարարեց՝ «Արցախը Հայաստան է եւ վերջ». դրանով երեւի ուզեցել է ասել, որ ես եմ ձեր ղեկավարը.Վիտալի Բալասանյան
Պետք չի հրաժարվել այն փաթեթից, որ կար մինչեւ իր իշխանության գալը...
Եթե «Արցախը Հայաստան է և վերջ»-ի նպատակն է, որ Երևանը որոշի, թե Արցախում ով ինչ ազդեցություն ունենա, դա խնդիր է.Մանոյան
Իսկ եթե Արցախը Հայաստան է եւ վերջ, ստորագրեք վերջանա, ինչի՞ չեք ստորագրում...
Որպես մարտավարություն լավ է, որ վարչապետը հայտարարել է, որ ԼՂ խնդրի բոլոր կողմերը պետք է գոհ լինեն. Մանոյան
Բայց թող մի հատ ասի, թե այդ որ բանաձեւն է, որ բոլորին կգոհացնի: Չկա նման բանաձեւ…
Արցախի խնդրի կարգավորման գործընթացը 2016-ի ապրիլից առաջ կասեցված էր, թեեւ բանակցություններն ընթանում էին. Կիրո Մանոյան
Ապրիլից հետո դա ընդհանրապես սառեց, Հայաստանում 2018-ի փոփոխություններից հետո եւս ինչ-որ ժամանակ պետք էր, որ փոխադարձ…
Կարող է Ալիեւն էլ Էրդողանից խրախուսված, ինքն էլ սկսի անհեռատես քայլեր ձեռնարկել. Կիրո Մանոյան
Մենք պետք է առաջնահերթություն համարենք մեր պետության հզորացումը, որովհետեւ մեզ համար մեզնից լավ բարեկամ չկա…
Ամենաշատ
Ֆոտոռեպորտաժներ