News
Լրահոս
News
Երկուշաբթի
Մայիս 20
Տեսնել լրահոսը


Ես կցանկանայի, որ դուք ունենայիք հստակ քաղաքացիական կեցվածք։ Այս մասին այսօր՝ ապրիլի 22-ին, ՀՀԿ–ի գրասենյակում կուսակցության նոր անդամներին ողջունելիս ասաց ՀՀ երրորդ նախագահ Սերժ Սարգսյանը։ 

Նա իր խոսքն սկսեց՝ նշելով, որ այժմ նրանց միայն շնորհավորելու է քաղաքական գործընթացներին մասնակցելու իրենց ցանկության համար. «Ես այս պահին ձեզ շատ ասելիք չունեմ, հարկ համարեցի բարձրանալ, շնորհավորել ձեզ ձեր ցանկության համար քաղաքական գործընթացներին մասնակցելու առումով, որովհետև յուրաքանչյուր ոք, որ անդամագրվում է որևէ կուսակցության, նշանակում է՝ պատրաստ լինել ակտիվ մասնակցելու քաղաքական գործընթացներին: Բոլորիդ հաջողություն եմ մաղթում և ցանկանում եմ, որպեսզի այս շենքը, որտեղ հավաքված է Հանրապետականի ղեկավար մարմինը, ձեզ համար մշտապես լինի ցանկալի վայր: Սա շատ կարևոր է»։

ՀՀԿ երիտասարդական թեւի, «Անդրանիկ Մարգարյան» քաղաքական դպրոցի ղեկավար Հայկ Մամիջանյանի դիտարկմանը, որ իրենց մեղադրում են և պահանջում են շուտ սկսել ակտիվ գործողություններ, Սերժ Սարգսյանը պատասխանեց. «Որեւէ ղեկավար կամ ընտրված մարդ չի կարող ուրիշներին հակառակ իրենց ցանկության մղել ակտիվ գործողությունների, յուրաքանչյուր կուսակցական իր ակտիվությամբ պետք է ստեղծի ակտիվ շարժում։ Մենք երբեք ձեր ակտիվությանը չենք խոչընդոտելու։ Ուղղակի այդ ակտիվությունը պետք է ուղղված լինի մեր երկիրն ավելի լավը դարձնելուն, լինի ընդհանուր հոսանքի մեջ։ Կուսակցությունից դուրս էլ կան մարդիկ, որոնք ակտիվություն էին ցույց տալիս, բայց ինչպես հայտնի է, յուրաքանչյուրն իր ձևով է ակտիվություն դրսևորում։ Ես կցանկանայի, որ դուք ունենայիք հստակ քաղաքացիական կեցվածք, այլ բնագավառում ինչքան ուզում եք, ակտիվացեք։ Այնպես որ սա մեղադրանք չէ, այլ ցանկություն»։

Երրորդ նախագահի հարցին՝ արդյոք իրեն հարցեր կա՞ն, երիտասարդ մի աղջիկ արձագանքեց. «Վերադարձեք»:

Ի պատասխան՝ Սերժ Սարգսյանն ասաց, որ այս պահին նրանց շատ ասելիք չունի. «Կունենամ այն ժամանակ, երբ բոլոր դեպքերում մի ընդհանրական խոսք կասեմ ու կպատասխանեմ մեզնով հետաքրքրվող լրատվամիջոցների հարցերին։ Դրանից հետո ցանկացած թեմա հանգիստ կարող ենք քննարկել»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ավարտվել է Բակո Սահակյանի հանդիպումը «Իմ քայլի» պատգամավորների հետ. ի՞նչ հարցեր են քննարկվել
Խոսել ենք այն մասին, թե ինչպես անենք, որ մեր տնտեսությունը ավելի առաջանցիկ տեմպերով զարգանա...
Փաշինյանի նախանշված նպատակները զգալի չափով համընկնում են մեր օրակարգին. «Սասնա Ծռեր»
Նախ՝ գործընթացը հարկավոր է սկսել նախորդ ռեժիմի գործունեության իրավաքաղաքական գնահատականից...
«Իմ քայլը» չի միանա «Լուսավոր Հայաստանի» նախաձեռնած ստորագրահավաքին. Մակունց
Մենք, բնականաբար, այդ պարագայում ոչ մի այլ անելիք չունենք, քան հետեւել օրենքներին եւ օրինակարգին...
ԲԴԽ–ն չի արձագանքի Փաշինյանի՝ դատավորների հրաժարականի պահանջով ելույթին
ԲԴԽ-ն այսօր նիստ չի գումարի․․․
Մեր միջնորդությունը լարվածությունը թուլացնելու նպատակ ուներ. Բակո Սահակյան
Այդ մասին մենք բազմաթիվ հայտարարություններ ենք արել...
Արցախի նախագահ Բակո Սահակյանը ժամանել է Ազգային ժողով
Նախատեսվում է, որ Բակո Սահակյանը անցկանցելու է մի շարք հանդիպումներ...