Եմենում պատերազմը երկրի զարգացումն ավելի քան 20 տարով հետ է գցել։ Այս մասին ասվում է հետազոտությունում, որն անցկացվել է ՄԱԿ Զարգացման ծրագրի պատվերով՝ հայտնում է AP-ը։

Հետազոտության համաձայն, եթե պատերազմը այս տարի վերջանա, տնտեսական կորուստները կկազմեն 88,8 միլիարդ դոլար։ Եթե հակամարտությունը երկարաձգվի մինչեւ 2030թ․, դա կհանգեցնի նրան, որ բնակչության 71 տոկոսը կհայտնվի ծայրահեղ աղքատության մեջ, 84 տոկոսը կհյուծվի, տնտեսական կորուստները կկազմեն 657 մլրդ դոլար։

Եմենում ՄԱԿ ԶԾ ներկայացուցիչ Աուկե Լուտսման հայտարարել է, որ «նույնիսկ եթե վաղը խաղաղություն հաստատվի, մինչ հակամարտության մակարդակին Եմենի վերադարձի համար կարող են տասնամյակներ պահանջվել»։

2015-ից Սաուդյան Արաբիայի կողմից ղեկավարվող կոալիցիան պատերազմում է եմենցի խուտի զինյալների դեմ, որի հետեւանքով զոհվել են տասնյակ հազարավոր մարդիկ, երկիրը հայտնվել է սովի եզրին։