Կարեւոր է, որ ԵԱՀԿ Մինսկի խմբում Ֆրանսիայի դիրքորոշումը հարցականի տակ չդրվի: Ապրիլի 26-ին մամուլի ասուլիսի ժամանակ այս մասին ասաց Հայաստանում Ֆրանսիայի արտակարգ եւ լիազոր դեսպան Ջոնաթան Լաքոթը: Դեսպանի խոսքով՝ ԵԱՀԿ Մինսկի խմբում Ֆրանսիայի մասնակցությունը կարեւոր ձեռքբերում է, այդ թվում՝ կարեւոր է Հայաստանի համար:
Ի պատասխան այն հարցին, թե հնարավո՞ր է արդոք համագործակցություն Ֆրանսիայի եւ Լեռնային Ղարաբաղի առանձին քաղաքների միջեւ, Լաքոթը պարզաբանեց, որ հանրության մակարդակում այդ շփումը հնարավոր է, եւ այն կա: «Սակայն Ֆրանսիայի առանձին շրջաններ կամ քաղաքներ չեն կարող սեփական դիվանագիտություն ունենալ: Դիվանագիտությունը պետք է մեկը լինի եւ համապատասխանի խաղի միասնական կանոններին»,- հավելեց դիվանագետը:
