Թուրքիայի հիմնական ընդդիմադիր Ժողովրդա-հանրապետական կուսակցությունը հայտարարել է Ստամբուլի քաղաքապետի կրկնակի ընտրություններին մասնակցելու մտադրության մասին: Երեքշաբթի համապատասխան հայտարարությամբ հանդես է եկել ԺՀԿ նախագահ Քեմալ Քըլըչդարօղլուն, փոխանցում է NTV հեռուստաալիքը:
«Ամեն ինչ լավ կլինի, որեւէ մեկն անհանգստանալու կարիք չունի: Մենք մեր երկրին ժողովրդավարություն կբերենք: Նոր ընտրությունները չենք բոյկոտի, դրանց կմասնակցենք»,- ասել է նա:
Ստամբուլի քաղաքապետի նոր ընտրությունները կանցկացվեն հունիսի 23-ին: Թուրքիայի ԱԳՆ-ն հանդես է եկել հայտարարությամբ, որով հերքել է ցանկացած քննադատություն՝ կապված այս որոշման հետ եւ կոչ է արել այն հարգել:
Պաշտոնական տվյալների համաձայն՝ Իմամօղլուն Յըլդըրըմից առաջ է անցել՝ մարտի 31-ի ընտրություններում ստանալով ընտրողների 4,171 մլն ձայները: 2002 թվականից ի վեր ԱԶԿ-ն առաջին անգամ զիջել է Ստամբուլի քաղաքապետի ընտրություններում, որի քաղաքապետն է եղել Էրդողանը 1994-1998 թվականներին: