Լոս Անջելեսի ոստիկանությունը Ալկոհոլի, ծխախոտի, հրազենի եւ պայթուցիկ նյութերի բյուրոյի աշխատակիցների հետ համատեղ հայտնաբերել եւ առգրավել է ավելի քան հազար միավոր հրազեն քաղաքի հեղինակավոր շրջաններից մեկում տան խուզարկության ժամանակ, տեղեկացնում է ՌԻԱ «Նովոստի»-ն՝ հղում կատարելով Los Angeles Times պարբերականին։
Լոս Անջելեսի ոստիկանության դեպարտամենտի ներկայացուցիչ Մայք Լոպեսը տեղեկացրել է, որ իշխանությունները տեղեկություն էին ստացել, որ այդ տանը ապօրինի զենք է պատրաստվում եւ վաճառվում, գրել է թերթը։
Զենքի եւ ատրճանակների հիմնական մասն առգրավվել է, նշում է թերթը։ Ընդ որում՝ չի նշվում՝ արդյո՞ք որեւէ մեկը կալանվել է։