News
Լրահոս
News
Կիրակի
Սեպտեմբեր 26
Տեսնել լրահոսը

Գործազրկությունն ապագայում լուրջ մարտահրավեր կդառնա ինչպես Հայաստանի, այնպես էլ ողջ աշխարհի համար։ Այս մասին «Աշխատիր, Հայաստան» ծրագրի գործարկման եւ Աշխատանքի միջազգային կազմակերպության 100-ամյակին նվիրված միջոցառման շրջանակում մայիսի 15-ին ասաց փոխվարչապետ Տիգրան Ավինյանը։

Նրա խոսքով՝ դա կապված է այն բանի հետ, որ տնտեսությունն ավելի արագ է զարգանում, քան կրթությունը, եւ պետության դերն այն է, որպեսզի ստեղծի այնպիսի պայմաններ, որ քաղաքացիները հնարավորություն ունենան ավելի արագ հարմարվելու փոփոխվող պայմաններին։ «Դա կարեւոր քայլ է այն սկզբունքների ձեւավորման ճանապարհին, որոնք կընկնեն  պետության, մասնավոր հատվածի, քաղաքացիական հասարակութան, միջազգային հանրության համագործակցության հիմքում՝ աշխատանքի խթանման ծրագրերի իրականացման ճանապարհին»,- նշել է նա։

Տիգրան Ավինյանն ավելացրել է, որ ծրագիրը հենվում է երեք հենասյուների՝ մարդկային կապիտալի զարգացում, զբաղվածության խթանում եւ ինստիտուցիոնալ փոփոխություններ։ «Պետությունը կաշխատի այս կետերից յուրաքանչյուրի վրա՝ նվազեցնելով գործազրկության մակարդակը։ Խոսքը միայն աշխատատեղերի ստեղծման մասին չէ, այլ նաեւ աշխատանքի արդյունավետության բարձրացման»,- ընդգծել է նա՝ ավելացնելով, որ արդեն նախաձեռնվել են քննարկումներ միջազգային գործընկերների հետ, ինչպես նաեւ համագործակցություն միջազգային մակարդակով։

Ավինյանի հավաստմամբ՝ սկզբունքները, որոնք առաջադրել է ԱՄԿ-ն, լիովին համահունչ են Հայաստանի կառավարության նպատակներին, մասնավորապես՝ մարդու ստեղծագործ պոտենցիալի իրականացման մասով՝ աշխատանքի խթանման եւ անհրաժեշտ պայմանների ստեղծման միջոցով։ Այս ամենն ընկած է կառավարության գործունեության հիմքում։ «Փոփոխությունները, որոնք տեղի ունեցան անցած տարի Հայաստանում, իրականացվեցին քաղաքացիների անմիջական մասնակցությամբ։ Հեղափոխության օրերին քաղաքացիները, անհավանական կամք եւ համախմբում ցուցաբերելով, կարողացան կանգնել իրենց իրավունքների պաշտպանության գծում։ Այսօր արդեն հայտարարված է հեղափոխության նոր փուլի՝ տնտեսականի մասին, որը կհիմնվի աշխատանքի խթանման վրա։ Այս նախաձեռնությունը կլինի նաեւ այն մեխանիզմներից մեկը, որոնք թույլ կտան քաղաքացիներին արժանի աշխատանք գտնել»,- ասաց նա։ «Մենք առաջնորդվում ենք նրանով, որ այս կամ այն ծրագրի իրականացման պատասխանատվությունն ընկած է նրանց վրա, ովքեր այն մշակում են։ Նման մոտեցումն ապահովում է ծրագրերի իրագործման բարձր արդյունավետություն, ինչպես նաեւ հանրային վստահության բարձր մակարդակ»,- ավելացրել է փոխվարչապետը։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արդյունաբերության ճյուղերի զգալի մասում անկում է գրանցվել (Գրաֆիկ)
2021 թվականի հունվար – հուլիս ամիսների ընթացքում անկում են ապրել արդյունաբերության այնպիսի ոլորտներ, ինչպիսիք են...
Հակոբ Ավետյանին ասել եմ՝ կողմնորոշվի զբաղվել բիզնեսով կամ համայնքով. Սանոսյան
Կյանքը ցույց է տալիս, որ վարչատարածքային բաժանումը, որ ունենք այսօր շատ դեպքերում իրեն չի արդարացնում, հատկապոս փոքր համայնքների պարագայում…
Ասիական զարգացման բանկի կանխատեսմամբ, այս տարի Հայաստանի կունենա 5,2 տոկոս տնտեսական աճ, իսկ 2022-ին՝ 3,5 տոկոս
Ըստ զեկույցի՝ գյուղատնտեսությունն ընդլայնվել է՝ գրանցելով կայուն 7.1% մշակաբույսերի արտադրությունում։ Ծառայությունների ոլորտն ունեցել է 5.3% աճ…
Դոլարն ու եվրոն շարունակում են էժանանալ
Թանկարժեք մետաղների համար բանկի կողմից սահմանվել են հետեւյալ գները...
Նոր որոշում. Հիփոթեքային վարկ ունեցողների եկամտային հարկի վերադարձը տեղի կունենա 15-ի փոխարեն 3 աշխատանքային օրում
Կառավարությունն իր այսօրվա՝ սեպտեմբերի 24-ի նիստում փոփոխություն կատարեց իր որոշումներից մեկում, որով պարզեցվում եւ թվայնացվում է եկամտային հարկի վերադարձման գործընթացը...
Համայնքների խոշորացումը կհանգեցնի աշխատատեղերի կրճատման. նախարար
Շատերը կարող են զրկվել աշխատանքից, ասել է Սանոսյանը...
Ամենաշատ