Չնայած ընդունված է Trump Tower աշտարակը գովազդել որպես «Նյու Յորքի ամենահեղինակավոր եւ կարգավիճակ ունեցող շենքերից մեկը», բնակարանների տերերը ստիպված էին վերջին 2 տարիներին բավականին չարչարվել դրանք վաճառելու համար, հայտնում է Bloomberg գործակալությունը:
Քաղվածքներից դատելով՝ վաճառքի մեծամասնությունը վնասով է եղել՝ հաշվի առնելով ինֆլյացիան: Շենքի բնակվածության խտությունը 2012 թվականի 99 տոկոսից ընթացիկ պահին նվազել է մինչեւ 83 տոկոս: Այս կորուստն աննախադեպ երեւույթ է Հինգերորդ ավենյուի համար: Անշարժ գույքի հարցերով շատ փորձագետներ այս փողոցը համարում են երկրի գլխավոր գրասենյակային շրջանը, հայտնում է Bloomberg-ը:
Դրանից բացի, Թրամփի աշտարակի զուտ եկամուտը 2012 թվականին բանկերի գնահատականից նվազել է 26 տոկոսով, երբ քննարկվում էր բիզնեսմեն, իսկ այժմ ԱՄՆ նախագահ Դոնալդ Թրամփին 100 մլն դոլար վարկի տրամադրման հարցը:
