News
Լրահոս
News
Չորեքշաբթի
Հունիս 19
USD
478.04
EUR
535.55
RUB
7.47
ME-USD
0.14
Տեսնել լրահոսը

Deutsche Bank-ի փողերի լվացման դեմ պայքարի մասնագետները 2016 եւ 2017 թվականներին խորհուրդ են տվել ԱՄՆ ֆինանսական հանցագործությունների հարցերով դաշնային հսկողական մարմնին զեկուցել ԱՄՆ նախագահ Դոնալդ Թրամփի եւ նրա փեսա Ջարեդ Քուշների վերահսկողության ներքո եղած ընկերությունների մասնակցությամբ բազմաթիվ գործարքների մասին, հայտնում է New York Times-ը:

Վկայակոչելով Deutsche Bank-ի 5 նախկին եւ ներկա աշխատակիցների՝ պարբերականը պնդում է, որ գերմանական բանկի ղեկավարությունը, որը Թրամփի եւ Քուշների ընկերություններին միլիարդավոր դոլարի վակեր է հատկացրել, մերժել է իր աշխատակիցների խորհուրդը: Նման տեղեկությունները երբեք չեն փոխանցվել կառավարությանը:

Գործարքները, որոնցից մի քանիսն առնչվել են այլեւս գոյություն չունեցող Թրամփի հիմնադրամին, համակարգչային համակարգում զգուշացում են առաջացրել, որը նախատեսված է ապօրինի գործունեության հայտնաբերման համար, New York Times-ին հայտնել են բանկի նախկին աշխատակիցները:

Դրանից հետո բանկի ֆինանսական մոնիթերինգի հարցերով աշխատակիցները, որոնք վերլուծել են այս գործարքները, պատրաստել են կասկածելի գործունեության վերաբերյալ, այսպես կոչված, հաշվետվություններ, որոնք, նրանց կարծիքով, պետք էր ուղարկել արդարադատության նախարարության ֆինանսական հանցագործությունների ստորաբաժանմանը, գրում է պարբերականը:

New York Times-ը նշում է, որ բանկի աշխատակիցների կարծիքով՝ գործարքների մասին չհայտնելու որոշումը փողերի լվացման վերաբերյալ օրենքները զանց առնելու մոտեցման հետեւանք է: Նրանց խոսքով՝ բանկի ղեկավարությունը պարբերաբար հրաժարվել է հաշվետվություններ ուղարկել, որպեսզի պահպանի շահութաբեր հաճախորդների հետ հարաբերությունները:

Մի աշխատակցուհի, որը վերլուծել է որոշ գործարքներ, տեղեկացրել է, որ ազատվել է անցած տարի՝ այն բանից հետո, երբ մտահոգություն է հայտնել բանկի գործելակերպի վերաբերյալ, տեղեկացնում է New York Times-ը։

Պարբերականը մեջբերում է Deutsche Bank-ի պաշտոնական ներկայացուցչի խոսքը, որն ասել է, որ քննիչներին չեն խանգարել բարձրացնել կասկածելի թվացող գործողությունների մասին հարցերը։ Բանկի ներկայացուցիչը «կտրականապես սուտ» է անվանել այն պնդումները, որ բանկի աշխատակիցներին տեղափոխել են այլ պաշտոնների կամ ազատել են աշխատանքից, որպեսզի մարեն ինչ-որ այցելուով պայմանավորված տագնապները։ Նա նաեւ նշել է, որ Deutsche Bank-ն ակտիվացրել է պայքարը ֆինանսական հանցագործությունների դեմ։

Trump Organization-ի ներկայացուցիչը, որը կառավարում է Թրամփի շատ ակտիվներ, տեղեկացրել է New York Times-ին, որ իր ընկերությանը հայտնի չէ գործարքների մասին, որոնք նշված են որպես կասկածելի։ Նրա խոսքով՝ ներկայում Trump Organization-ը օպերացիոն հաշիվներ չունի Deutsche Bank-ում։

«New York Times-ը փորձում է բացարձակ կեղծ սկանդալային պատմություն ստեղծել, երբ նյութերի համար գաղափարներն արդեն չեն բավականացնում»,- Reuters-ին ասել է Kushner Companies-ի ներկայացուցիչը։

Deutsche Bank-ի եւ Trump Organization-ի ներկայացուցիչները չեն արձագանքել Reuters-ի խնդրանքին՝ տալու անկախ մեկնաբանություններ։

New York Times-ը գրում է, որ գործարքների բնույթը, որոնց մասին խոսվում է, պարզ չէ։

Համենայնդեպս, որոշ գործարքներ կապված են եղել դրամական հոսքերի հետ, որոնք ստացողները կամ ուղարկողները օտարերկրյա կազմակերպություններ են կամ անձինք, որոնց բանկային ծառայողները կասկածելի են համարել։

Հրապարակումը ի հայտ է եկել այն պահին, երբ Կոնգրեսը եւ Նյու Յորքի նահանգի իշխանությունները հետաքննում են Թրամփի, նրա ընտանիքի եւ Deutsche Bank-ի միջեւ հարաբերությունները եւ պահանջում ներկայացնել փաստաթղթեր՝ կապված կասկածելի ակտիվության հետ։

Թրամփը դատական հայց է ներկայացրել ֆինանսական փաստաթղթերի պահանջի մասին Ներկայացուցիչների պալատի օրակարգն արգելափակելու փորձի վերաբերյալ, որոնք ուղարկվել են Deutsche Bank, Capital One Financial Corp եւ Mazars LLP հաշվապահական ընկերություն։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանի Կենտրոնական բանկի ոսկու պաշարները կազմում էին 1,6 տոննա. ԿԲ նախագահ
Ոսկին վաճառվել է այն պահին, որբ շուկայում գրացվել է մետաղի այս տեսակի գնաճ…
Հայաստանում արտադրվող ոսկու ձուլակտորները կարտահանվեն. Կենտրոնական բանկ
Շատ շուտով Հայաստանում ոսկու զտման ձեռնարկություն կբացվի, որտեղ ոսկու ձուլակտորներ կարտադրվեն…
ՀՀ ԿԲ-ն ցանկանում է պարզություն մտցնել եւ սահմանել «միկրոձեռնարկություն» հասկացությունը
Օրինագիծը պարզաբանումներ է մտցնում...
Ամերիաբանկը սկսել է թողարկել OTP PIN ծածկագրերով քարտեր
Ի թիվս մի շարք այլ առավելությունների, OTP ծածկագրերով քարտերի դեպքում հաճախորդն իր PIN-ը մոռանալու դեպքում այլեւս քարտը վերաթողարկելու...
Արդշինբանկի բացառիկ առաջարկը Visa քարտապաններին
Փոխատուցումը կատարվում է ՀՀ դրամով...
էներգաարդյունավետության զարգացում․ մաստեր կլաս` E-FIX ծրագրի շրջանակում (ֆոտո)
ԱԳԲԱ Լիզինգն ԱԿԲԱ-ԿՐԵԴԻՏ ԱԳՐԿՈԼ ֆինանսական խմբի անդամ է, ընկերությունը ՀՀ-ում լիզինգային շուկայի բացարձակ առաջատարն է...