News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

ԱՄՆ առեւտրի նախարարությունը տեղեկություն է հրապարակել ժամանակավոր ընդհանուր թույլտվություններ տրամադրելու մասին, որոնք չինական Huawei ընկերությանը թույլ կտան պահպանել եղած ցանցը եւ առկա հաճախորդներին ծրագրային թարմացումներ տրամադրել, փոխանցում է «ՌԻԱ Նովոստի»-ն:

Ժամանակավոր թույլտվությունը կգործի մինչեւ օգոստոսի 19-ը:

ԱՄՆ առեւտրի նախարար Ուիլբուր Ռոսի խոսքով՝ ժամանակավոր ընդհանուր թույտվությունը «օպերատորներին ժամանակ կտա պայմանավորվածությունների հասնել» այլ ընկերությունների հետ: Չինական ընկերության դեմ սահմանափակումների հետաձգման որոշումն ընդունվել է ամերիկյան ընկերությունների համար սուր խնդիրներ չստեղծելու համար:

«Ժամանակավոր ընդհանուր լիցենզիան թույլ է տալիս գործունեության որոշակի տեսակներ, որոնք անհրաժեշտ են գոյություն ունեցող հաղորդակցային ցանցերի աշխատանքը շարունակելու եւ բջջային ծառայությունները պահպանելու համար, ներառյալ կիբեռանվտանգության ոլորտում հետազոտությունները, որոնք չափազանց կարեւոր են առկա հաղորդակցային ցանցերի եւ սարքավորումների ամբողջականության եւ հուսալիության պահպանման համար»,- նշված է նախարարության հայտարարության մեջ:

Ավելի վաղ ԱՄՆ նախագահ Դոնալդ Թրամփը հայտարարել էր ԱՄՆ տեղեկատվական տեխնոլոգիաներին սպառնացող արտասահմանյան լրտեսության մասին եւ կոչ էր արել ներդրումների հրապարակայնությունը հավասարակշռել ազգային անվտանգության հետ: Նա հրաման էր ստորագրել՝ հայտարարելով «ազգային ԱԴ» ռեժիմ՝ կապված տեղեկատվական տեխնոլոգիաների սպառնալիքների հետ:

Անցյալ շաբաթ ԱՄՆ առեւտրի նախարարությունը Huawei-ն մտցրել էր սեւ ցուցակ, որով չինական ընկերության համար փակվում էր ամերիկացի արտադրողների բաղադրամասեր եւ տեխնոլոգիաներ գնելու ճանապարհը: Huawei-ն նաեւ այն ընկերությունների ցուցակում է, որոնց արգելված է առանց համապատասխան լիցենզիայի ամերիկյան բիզնեսի հետ գործունեություն ծավալել:

«Ռեյթեր» գործակալության տվյալներով՝ Google-ն արդեն դադարեցրել է Huawei-ի հետ համագործակցությունն այն ոլորտներում, որոնք սարքավորումների, ԾԱ եւ տեխնիկական ծառայությունների փոխանցում են պահանջում՝ նրանց բացառությամբ, որոնք համընդհանուր հասանելի են:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Galaxy S10-ը կարելի է ցանկացած մատնահետքով արգելափակումից հանել
Սմարթֆոնի սքաները մատնահետքի ճանաչման 3D ուլտրաձայնային տեխնոլոգիայի միջոցով նույնականացնում է օգտատիրոջը․․․
Համաշխարհային առաջնորդները Facebook-ի թվային արժույթի դեմ են հանդես եկել
Նրանք հայտարարել են, որ ուզում են վետո դնել արժույթի վրա, որպեսզի «պաշտպանեն» ժողովրդավարական պետությունների ինքնավարությունը․․․
Apple-ը հոկտեմբերին նոր ականջակալներ կթողարկի
AirPods Pro-ն կարող է 260 դոլար արժենալ, ինչը դրան շուկայի ամենաթանկարժեք ականջակալն է դարձնում․․․
J.P. Morgan Chase-ի գլխավոր տնօրենը՝ Libra-ի մասին․ Դա հրաշալի գաղափար էր, որը երբեք չի իրականացվի
Facebook-ը ներկայացրել է Libra կրիպտոարժույթը, որը կարելի է օգտագործել թվային վճարումների համար, մանավանդ ԱՄՆ-ի սահմաններից դուրս․․․
Արհեստական բանականության անվտանգ օգտագործումը դեռ ապացուցված չէ. Հայ գիտնական
Մենք փորձում ենք մի բան ստանալ, որը տեղում կկարողանա կողմնորոշվել` որն է խափանման պատճառը…
Yahoo!-ն փակում է ֆորումների իր հարթակը
Ամերիկյան Yahoo! ընկերությունը տեղեկացնում է, որ նախատեսում է փակել ֆորումների իր հարթակը...
Ամենաշատ