Օդեսայում ընդհանուր ռեժիմի համար 51 հարավային ուղղիչ գաղությում անկարգություններ են սկսվել, հաղորդում է «Դումսկայա»-ն: Նշվում է, որ ներկայումս ՔԿՀ շենքն այրվում է:
Մեկ կամ մի քանի կալանավորների մահվան եւ պատանդառման մասին տեղեկություն կա:
Ականատեսների խոսքով՝ գաղութից զանգվածային փախուստ է եղել:
Չհաստատված տեղեկության համաձայն՝ մասնավոր հատվածից անհետացել է առնվազն 15 կալանավոր:
Հաստատության մոտ շտապ օգնության եւ ոստիկանության բազմաթիվ մեքենաներ, ինչպես նաեւ հատուկ նշանակության ջոկատ կա:
Ավելի ուշ փախուստի դիմածների մի մասին հաջողվել է ձերբակալել:
ԶԼՄ տեղեկություններով 6 կալանավոր փախուստի է դիմել: Ոչ պաշտոնական տեղեկություններով՝ կալանավորները խռովություն են բարձրացրել բանտի վատ պայամանների պատճառով: Մոտ 100 մարդ ներսում բարիկադավորվել է:
Գաղութի մոտ ոստիկանության եւ Ազգային գվարդիայի ուժեր են կենտրոնացվել:
