Հիմալայան արջի արդյունավետ պարը հաջողվել է նկարահանել «Ընձառյուծի երկիր» ազգային արգելոցի ֆոտոծուղակներից մեկով, որից հետո գազանը որոշել է ոչնչացնել իր ելույթի մասին հիշատակը: Բարեբախտաբար հիշողության քարտը անվնաս է մնացել եւ տեսանկարահանումը պահպանվել է: Այն հրապարակվել է ազգային արգելոցի կայքում, հայտնում է «Մոյա պլանետան»:
Հոլովակի սկզբում արջն անշտապ գնում է ծառերի միջով: Դրանցից մեկի առաջ կանգնելով՝ նա քորում է մեջքը ծառի բնին քսելով:
Արջի այս շարժումներն այնքան զվարճալի են, որ դրանք հաճախ համեմատում են պարի հետ: Դրանից հետո ծուռթաթը նկատում է ֆոտոծուղակը: Դրան մոտենալով՝ նա սկզբում թաթով խփում է խցիկին, հետո գործի դնում ատամները:
Նշվում է, որ հենց արջերն են իրենց բնական հետաքրքրասիրությամբ ավելի հաճախ կոտրում արգելոցի տարածքում տեղադրված ծուղակները: Սակայն այս հարձակումների տեսավկայությունները հազվադեպ են պահպանվում: