News
Լրահոս
News
Շաբաթ
Հուլիս 20
Տեսնել լրահոսը

Ղարաբաղյան խնդրի լուծումը սերտորեն կապված է փախստականների խնդրի լուծման հետ։ Այս մասին հունիսի 19-ին լրագրողների հետ հանդիպմանն ասել է ադրբեջանահայերի ասամբլեայի ղեկավար Գրիգորի Այվազյանը։

Փորձագետի խոսքով՝ ղարաբաղյան հիմնախնդրի լուծման հայեցակարգի մշակման գործում հարկավոր է ներառել փախստականների խնդիրը որպես հարցի անքակտելի մաս։ «Ի տարբերություն ադրբեջանցիների, որոնք ակտիվ քաղաքականություն են վարում Ղարաբաղի այսպես կոչված «ադրբեջանցի փախստականների» ներկայացուցիչներին բանակցային գործընթացում ներառելու ուղղությամբ, այդ թվում ԵԱՀԿ-ի միջոցով, հայկական կողմը ոչ մի կերպ չի բարձրացնում այդ հարցը։ Սակայն ակնհայտ է, որ, առաջին հերթին, հենց հայկական կողմը պետք է բարձրացնի փախստականների խնդիրը։ Պետք է միջազգային հանրությանը ներկայացնել, որ հենց էթնիկական հալածանքներն ու իրենց պաշտպանելու ձգտումն են հանգեցրել Ղարաբաղում ինքնապաշտպանություն սկսելու անհրաժեշտությանը, եւ այդկերպ լեգիտմացնելու ղարաբաղահայերի՝ Ադրբեջանի կազմից դուրս ապրելու ձգտումը»,- պարզաբանել է նա։

Այվազյանն ավելացրել է, որ հարցի քաղաքական կողմից բացի Հայաստանը պետք է նաեւ զբաղվի Ադրբեջանից փախստականների սոցիալական խնդիրների լուծմամբ, որոնք կազմում են երկրի բնակչության 12 տոկոսը, որոնք ապրում են վատ պայմաններում եւ ոչ մի սոցիալական երաշխիք չունեն։ «Այս ամենն ասվում է 30 տարի շարունակ, բայց խնդիրն այդպես էլ լուծված չէ։ Եվ եկել է ժամանակը, որպեսզի դրանով սկսեն զբաղվել ոչ թե դիլետանտները, որոնք փորձում են շահ կորզել, այլ պրոֆեսիոնալները։ Բացի այդ, անհրաժեշտ ենք համարում կառավարությունում Տեղեկատվության եւ քարոզչության նախարարության առկայությունը»,- ամփոփել է Գրիգորի Այվազյանը։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
1988-1992 թթ  Ադրբեջանից բռնագաղթված անձանց կսեփականաշնորհվի իրենց կողմից զբաղեցված բնակելի տարածքները
Որոշման հիմնավորման մեջ նշվում է, որ ՀՀ ՏԿԵՆ պետական գույքի կառավարման…
ԳԱԱ-ում անցկացվել է «Ադրբեջանահայ փախստականությունը 35 տարի անց և 2020-2023թթ․ Արցախի փախստականությունը» աշխատաժողովը
Աշխատաժողովը շատ կարևոր թեմայի է նվիրված։ Այն ունի ոչ միայն գիտական, այլև գործնական նշանակություն՝ հատկապես մեր օրերում։ Ադրբեջանահայության..
Շուրջ 3 տասնամյակ մեր երկրում չեն լուծվել տեղահանվածների խնդիրները. Վիլեն Գաբրիելյանը՝ ՀԿ ներկայացուցիչներին
Նշվել է, որ անտեսվել են փախստականներին առնչվող հիմնական խնդիրները...
Հանրակացարանների 7 բնակարաններ կաառավարությունը սեփականության իրավունքով հատկացրեց Ադրբեջանից բռնագաղթածներին
Նշենք, որ խոսքը 7 բնակարանների մասին է, որտեղ բնակվում է թվով 12 բռնագաղթված...
Փաշինյան. Ադրբեջանից փախստականներին կշարունակեն աջակցություն ցուցաբերել բնակարանային հարցում
Այս բոլոր հարցերը տասնամյակներ շարունակ չեն լուծվել, իսկ այժմ դրանք վերջապես լուծվում են․․․
Բաքուն պարտավոր է փոխհատուցում վճարել հայ փախստականներին եւ նրանց սերունդներին. Հայ փախստականների պլատֆորմ
«Բաքվի, Կիրովաբադի, Սումգայիթի, Շումումյանի, Գետաշենի հայ փախստականները չեն էլ երազում վերադառնալ իրենց տները, սակայն այսօրվա Ադրբեջանը չի կարող երաշխավորել նրանց իրավունքները...
Ամենաշատ