Երեւանում, այսօր՝ հունիսի 22-ին, շարունակվում է HoReCaExpo 2019 միջազգային ցուցահանդեսը, որն անցկացվում է Cheese and Wine Business ձեւաչափով:
Ցուցահանդեսի առաջին օրը կայացել է ցուցահանդեսի հանդիսավոր բացումը: Հյուրերի թվում, ի թիվս այլոց, ներկա են եղել Բելառուսի դեսպանն ու Հայաստանում Ռուսաստանի առեւտրային ներկայացուցիչը:
Ցուցահանդեսի բացման ժամանակ ցուցադրվել են ժողովրդական ու դասական պարային համարներ: Միջոցառումը կշարունակվի նաեւ վաղը՝ հունիսի 22-ին:
Ցուցահանդեսի մասնակիցները NEWS.am-ի հետ զրույցում ասացին, որ երկու օրերի ընթացքում հասցրել են նոր գործընկերներ գտնել, համագործակցության առաջարկներ ստանալ եւ նույնիսկ պայմանագրեր կնքել:
Նշենք, որ Հայաստանը ԵՏՄ երկրների շրջանակներում զբաղեցնում է առաջատար դիրքերից մեկը հանգստի, տուրիզմի եւ ներդրումների ոլորտում որպես հեռանկարային տարածաշրջան: Դրա հետ կապված, HoReCaExpo 2019 /Cheese and Wine Business ձեւաչափ/ ցուցահանդեսն օբյեկտիվորեն արտացոլում է իրավիճակը հայկական տնտեսության տվյալ սեգմենտում:
HoReCaExpo 2019 /Cheese and Wine Business ձեւաչափ/ ցուցահանդեսի գրավչությունն ակնհայտ է, քանզի ցուցահանդեսի բաժիններում հայտարարված են պանիրներ եւ գինիներ արտադրող եւ ներմուծող ընկերություններ, առողջարանա-հանգստավայրային համալիրների, հյուրանոցների, բարերի, ռեստորանների, ժամանցային արդյունաբերության կահույքի, սպասքի եւ լվացքատների համար նախատեսված պարագաների, տարածքների դիզայնի, սննդի եւ ըմպելիքների, պրոֆեսիոնալ տեքստիլ եւ հիգիենայի պարագաներ HoReCa սեգմենտի համար արտադրողներ եւ ներմուծողներ ինչպես Հայաստանից եւ Արցախից, այնպես էլ ԵՏՄ երկրներից:
Ցուցահանդեսի բաժիններում հայտարարված են նաեւ տուրիստական կազմակերպություններ Հայաստանից, Արցախից եւ ԵՏՄ երկրներից:
Ցուցահանդեսի մասնակիցները ավելի քան 700 ընկերությունների ներկայացուցիչներ, տնօրեններ եւ հիմնադիրներ են: Ամենամեծ փակ ցուցահանդեսն անցկացվում է բիզնես միջավայրում՝ գինու եւ պանրի համտեսի ձեւաչափով: Միջոցառման ընթացքում ընդլայնվում է միջին եւ փոքր բիզնեսի աճի հնարավորությունը, կնքվում են պայմանագրեր եւ գործընկերության առաջարկներ: Այս ամենն ապահովում է Cheese and Wine Business միջավայրի ստեղծած մթնոլորտը:
Ցուցահանդեսի կազմակերպիչը «ՌենտաԱութսթաֆինգ» ընկերությունն է:
NEWS.am-ը HoReCaExpo 2019 միջազգային ցուցահանդեսի ինֆորմացիոն գործընկերն է:
