Սիրիայում իր շահերը պաշտպանելով՝ Իսրայելը ոչ մի կերպ վտանգի չի ենթարկի ռուսական զորքերը: Երեքշաբթի այս մասին հայտարարել է հրեական պետության վարչապետ Բենիամին Նեթանյահուն՝ բացելով «ՌԴ-ԱՄՆ-Իսրայել» ձեւաչափով Մերձավոր Արեւելքի իրավիճակի վերաբերյալ բանակցությունները: Քաղաքական գործչի ելույթի տեսանյութը ներկայացված է Twitter-ում, հաղորդում է ՏԱՍՍ-ը:
«Ես կցանկանայի շնորհակալություն հայտնել ՌԴ կառավարությանը եւ նախագահ Վլադիմիր Պուտինին Իսրայելի հետ դեկոնֆլիկտինգի մեխանիզմի ստեղծման (Սիրիայում) հարցով սերտ համագործակցության համար, - ասել է նա,-ես կցանկանայի հավաստիացնել, որ պաշտպանելով մեզ, մենք ոչ մի կերպ վտանգի չենք ենթարկի ռուսական ուժերին:
Նեթանյահուն հավելել է, որ Իսրայլը կշարունակի հակազդեցություն ցուցաբերել Սիրիայում Իրանի ամրապնդվելու փորձերին:
«Իսրայելը գործել է 100 անգամ, որպեսզի կանխի Սիրիայում իրանական դիրքերի ամրապնդումը,-ասել է նա,-Իսրայելը կշարունակի խոչընդոտել Իրանին՝ հարեւան տարածքները մեզ վրա հարձակվելու համար օգտագործելու գործում»:
Կայուն Սիրիա
Իսրայելի վարչապետը նշել է, որ Սիրիայում կայունությունը բխում է ինչպես Իսրայելի, այնպես էլ ՌԴ եւ ԱՄՆ-ի շահերից:
«Բոլոր 3 կողմերը կցանկանային Սիրիայում խաղաղություն, կայունություն եւ անվտանգություն տեսնել», - ասել է Նեթանյահում:
Նա շնորհակալություն է հայտնել ՌԴ եւ ԱՄՆ նախագահներ Վլադիմիր Պուտինին եւ Դոնալդ Թրամփին իրենց ներկայացուցիչների հետ հանդիպման հնարավորության համար եւ նշել, որ այդ երկրների հետ Իսրայելի հարաբերությունները հասել են աննխադեպ բարձր մակարդակի»:
Խոսելով Սիրիայում իրավիճակի մասին՝ Նեթանյահուն ասել է, որ Իսրայելը բազմիցս խոչընդոտել է Սիրիայի տարածքում «Հըզբոլալլահ» կազմակերպությանը իրանական զենքի մատակարարմանը, սակայն չի վտանգել ռուս զինծառայողներին:
Ընդ որում, նրա խոսքով, իրավիճակի հետագա կարգավորումը պետք է հիմնված լինի 2011-ից Սիրիայում ներկա բոլոր օտարերկրյա զորքերի դուրսբերմանը:
Օտարերկրյա զորքերի դուրսբերում
Նեթայահուն ընդգծել է, որ Իսրայելը, ՌԴ-ն եւ ԱՄՆ-ն հետեւում են 2011-ից հետո Սիրիա ժամանած բոլոր օտարերկրյա զինծառայողների դուրսբերման նպատակին:
«Մենք մեկ ընդհանուր նպատակ ունենք՝ որպեսզի 2011-ից հետո Սիրիա ժամանած ոչ մի օտարերկյա ուժ այնտեղ չմնա:
Կարծում եմ՝ ընդհանուր ջանքերով, մենք կկարողանանք հասնել այդ նպատակին, դրանով իսկ ավելի կայուն Մերձավոր Արեւելք ստեղծելով, ամեն դեպքում, այդ հատվածում: Բոլոր օտարերկրյա զորքերի դուրսբերումը բարենպաստ կլինի ՌԴ, ԱՄՆ եւ Սիրիայի համար», - ասել է նա:
«Մենք կցանկանայինք քննարկել այդ նպատակին հասնելու կոնկրետ միջոցները», - հավելել է Նեթանյահուն:
