Արաբական Միացյալ Էմիրությունները, որը Սաուդյան Արաբիայի գլխավորած կոալիցիայի առանցքային մասնակիցն է, կրճատում է ռազմական ներկայությունը Եմենում ԱՄՆ-ի եւ Իրանի միջեւ լարվածության սրման պատճառով։ Այս մասին տեղեկացնում է Reuters-ը՝ հղում կատարելով չորս արեւմտյան դիվանագիտական աղբյուրների։
Երկու դիվանագետի խոսքով՝ ԱՄԷ-ն չորս զորատեսակ դուրս է բերել Ադենի հարավային նավահանգստից եւ Եմենի արեւմտյան ափից։ Դիվանագետներից երեքը հայտարարել են, որ Աբու Դաբին կնախընտրեր ձեռքի տալ ունենալ իր ուժերը եւ սպառազինությունները, եթե լարվածությունը Միացյալ Նահանգների եւ Իրանի միջեւ էլ ավելի աճի Պարսից ծոցում լցանավերի վրա հարձակումից եւ Թեհրանի կողմից անօդաչուն խոցելուց հետո։
«Ճիշտ է, որ եղել են զորքերի որոշ տեղաշարժեր, բայց դա Եմենի պատճառով չէ»,- Reuters-ին ասել է էմիրությունների բարձրաստճան պաշտոնյան՝ ավելացնելով, որ ԱՄԷ-ն նախկինի պես լիովին հավատարիմ է ռազմական կոալիցիային եւ «չի թողնի վակուում Եմենում»։
Սակայն պարզ չէ, թե ԱՄԷ-ի ինչ քանակությամբ ուժեր կմնան Եմենում։ Արեւմտյան մի դիվանագետ ասել է, որ ԱՄԷ-ն «շատ» ուժեր է դուրս բերել Արաբական թերակղզուց վերջին երեք շաբաթում։