News
Լրահոս
News
Չորեքշաբթի
Սեպտեմբեր 18
USD
476.22
EUR
526.22
RUB
7.39
ME-USD
0.08
Տեսնել լրահոսը

Սեպտեմբերի 10-ին՝ իր ամենամյա շնորհանդեսի ժամանակ, Apple-ը, ինչպես եւ անցած տարի, ցույց կտա երեք նոր iPhone. հիմնական մոդելը, դրա մեծ դիսփլեյով տարբերակը եւ ավելի մատչելի սարքը (2018 թվականին դա iPhone XR-ն էր), տեղեկացել է Bloomberg-ը: Նոր սմարթֆոնի անունը դեռեւս հայտնի չէ: Apple-ն ավանդաբար չի բացահայտում, թե ինչպիսի ապրանքներ ցույց կտա միջոցառման ժամանակ:

Ամենայն հավանականությամբ՝ 2019 թվականին iPhone-ը կունենա մեկական հավելյալ տեսախցիկ: iPhone XR-ի փոխարինողը կունենա երկու տեսախցիկ, կավելանա տեսաօբյեկտիվը:  Հիմնական մոդելները կունենան երեք տեսախցիկներ, կավելանա լայն անկյուն ունեցող լինզան: Bloomberg-ը խոստանում է, որ կմեծանա լուսանկարների կարգավորումը եւ զգալիորեն կլավանա վիդեոյի որակը: iPhone-ը կկարողանա օգտագործել արհեստական ինտելեկտ լուսանկարները մշակելու եւ տեսանյութերը խմբագրելու համար հենց տեսագրության ժամանակ: Բացի այդ, ուշադրություն կդարձվի ոչ բավարար լուսավորության դեպքում նկարահանմանը: Կթարմացվի դեմքերը ճանաչելու Face ID տեխնոլոգիան. հեռախոսը կկարողանա ճանաչել սեփականատիրոջը, եթե անգամ դրված լինի սեղանին. հենց տեսախցիկին ուղղված հայացքը չի պահանջվի, գրում է Forbes-ը:

Բացի այդ, Apple-ը կավելացնի iPhone-ում ուրիշ սարքերի անլար լիցքավորման գործառույթը, օրինակ,  Apple Watch ժամացույցի կամ AirPods ականջակալների համար:

iPhone-ն ավելի ամուր կդառնա. Apple-ն օգտագործում է ավելի կայուն ապակի: Բացի այդ, կուժեղացնի ջրից պաշտպանությունը. գաջեթները հնարավոր կլինի ջրի տակ պահել մի քանի ժամ 30 րոպեի փոխարեն, ինչպես iPhone XS-ի դեպքում էր: iPhone XR-ի ժառանգորդը կթողարկվի նոր՝ կանաչ գույնով, բոլոր նորույթները կստանան ավելի արագ A13 պրոցեսորը:

Ընկերությունը մտադիր է թարմացնել Apple Watch ժամացույցը. փոփոխությունները կվերաբերեն ծրագրային ապահովությանն ու արտաքին տեսքին, գրում է Bloomberg-ը: Ընկերությունն, ըստ ամենայնի, կթողարկի ժամացույցը երկու նոր նյութից՝ կերամիկայից եւ տիտանից: Կարող են թողարկվել նոր գոտիներ ժամացույցի համար: Բացի այդ, կթարմանա ծրագրային ապահովությունը watchOS ժամացույցների համար: Ակնկալվող գլխավոր նոր գործառույթներից մեկը քնի հսկողությունն է: Բացի iPhone-ից, Apple-ը պատրաստում է նաեւ թարմացված iPad-ն ու Mac համակարգիչները, հայտնել են Bloomberg-ի աղբյուրները: Սակայն պարբերականը ենթադրում է, որ ընկերությունը սեպտեմբերի 10-ին չի ցուցադրի դրանք եւ շեշտը կդնի iPhone-ի վրա: Bloomberg-ի զրուցակիցները նաեւ պնդել են, որ ընկերությունն աշխատում է AirPods ականջակալները եւ HomePod խելացի բարձրախոսները թարմացնելու ուղղությամբ: Սակայն հայտնի չէ՝ կցուցադրի արդյոք Apple-ն այդ ապրանքներից որեւէ մեկը առաջիկայում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Facebook-ը ստեղծում է անկախ դիտորդական մարմին
Որին օգտատերերը կարող են բողոքել կոնտենտի ոչ իրավաչափ հեռացման դեպքում…
Փոխվել են հոբելյանական 15-րդ ԴիջիԹեքի անցկացման օրերը
Հայտնի է, որ այդ պատվիրակությունների թվում կլինի նաեւ WCIT 2019-ի նախարարական համաժողովի՝ շուրջ 33 նախարարից բաղկացած պատվիրակությունը...
WhatsApp-ն օգտատերերի լուսանկարները պահպանել է այլ օգտատերերի սարքերի մեջ
Խոցելիությունը հայտնաբերվել է հաղորդագրությունները ջնջելու հետ կապված ֆունկցիայում...
Բարձր տեխնոլոգիաների միջոցով մարզերի զարգացման ծրագիրը շարունակում է ընդլայնել աշխարհագրությունը
Ծրագրի արդյունքներն աննախադեպ են: Ունենք մոտ 70 ուսանող յուրաքանչյուր մարզում եւ ավելի քան 150 դիմորդ: Ցավոք մարզերում կրթական...
Google-ի նախկին ինժեները կարծում է, որ դրոնները ԱԻ-ի հետ միասին կարող են պատերազմ սկսել
Նոլանին նաեւ վախեցնում է այն, որ ինքնավար ռազմական ռոբոտների փորձարկումը հնարավոր է միայն իրական պայմաններում․․․
Google-ը կներկայացնի նոր Pixel սմարթֆոնը
Google-ն մեծ ջանքերի գնով փորձում է ներխուժել սմարթֆոնների շուկա․․․