Հայաստանում ավելի քան մեկ տարի առաջ տեղի ունեցած իրադարձություններն ու խաղաղ ակցիաները, որոնց արդյունքում ժողովուրդն իշխանափոխություն պահանջեց, երկրում ժողովրդավարական պրոցեսների վառ վկայություն է, եւ շատ կարեւոր է, որ այդ ակցիաներն այդպես էլ մնացին խաղաղ:
Այս մասին այսօր լրագրողների հետ զրույցում ասել է ՀՀ-ում ԱՄՆ արտակարգ եւ լիազոր դեսպան Լինն Թրեյսին: Նա հիշեցրել է, որ դրանից հետո ազատ եւ արդար ընտրություններ տեղի ունեցան:
«Դա եւս ժողովրդավարության ոլորտում ձեռքբերում է: Այս պահին կառավարությունը ոլորտի զարգացման ռազմավարություն է մշակում, եւ այդ աշխատանքներին ներգրավված են շահագրգիռ կողմերը»,- նշել է դեսպանը:
Պատասխանելով ԱՄՆ-ում ներքաղաքական իրավիճակի մասին հարցին՝ Թրեյսին հայտարարել է, որ տվյալ թեման չի կարող մանրամասն մեկնաբանել:
