News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Այսօր՝ հոկտեմբերի 8-ին, ԼՂՀ առաջին եւ ՀՀ երկրորդ նախագահ Ռոբերտ Քոչարյանն ուղերձով դիմել է իր ազատությունը պահանջող՝ նախօրեին տարածված հայտարարության հեղինակներին եւ սատարողներին։

Ստորեւ ներկայացնում ենք նրա ուղերձի տեքստն ամբողջությամբ։

«Հարգելի՛ գործընկերներ եւ բարեկամներ,

Շնորհակալություն եմ հայտնում ձեզ՝ երեկ հրապարակված հայտարա¬րու¬թյան նախաձեռնման համար։ Ոգեւորիչ է, երբ Հայաստանի եւ Արցախի հանրության շրջանում հեղինակություն վայելող տարբեր մարդիկ համախմբված կերպով հանդես են գալիս իմ նկատմամբ իրականացվող քաղաքական հետապնդման վերաբերյալ՝ բարձրացնելով իրենց բողոքի միասնական ձայնը։ Շնորհակալություն եմ հայտնում նաեւ այն հարյուրավոր մարդկանց, մեր քաղաքացիներին ու սփյուռքահայերին, որոնք միացել են հայտարարությանը ու ողջունել այն սոցիալական ցանցերի եւ այլ հարթակներում։

Շնորհակալ եմ։

Հարկ եմ համարում ընդգծել. ձեր ձայնը գալիս է ապացուցելու այն անժխտելի փաստը, որ տեղի ունեցողը դադարել է լինել պայքար՝ մեկ մարդու ազատության համար, մեկ մարդու հանդեպ քաղաքական հետապնդումը դադարեցնելու համար։ Սա այլեւս պայքար է հանուն իրավական ու ժողովրդավարական պետության, հանուն ազգային արժանապատվության եւ ընդդեմ կամայականությունների։

Գործող վարչապետի կողմից վարվող իրավական բեսպրեդելի քաղաքականությունը ալեկոծել է հասարակության մտածող հատվածին, ու այս հայտարարության նախաձեռնումն ու հրապարակմանը հետեւած արձագանքը դրա լավագույն ապացույցն են։

Ուզում եմ իմանաք. ես լի եմ վճռականությամբ շարունակել պայքարը, թեկուզ եւ բանտախցից։ Ինձ համար ուղղակի ծիծաղելի են այն մարդկանց հույսերը, ովքեր կարծում են, թե ազատազրկումը կարող է ստիպել ինձ հրաժարվել իմ սկզբունքներից, իմ քաղաքական նպատակներից, որոնց իրագործմամբ սկսել եմ զբաղվել դեռ 88-ին՝ Ղարաբաղյան շարժման առաջին իսկ օրերից։ Կյանքիս ընթացքում առաջին անգամ չէ, որ հանուն կարեւոր նպատակի պետք է զրկանքներ կրեմ եւ դա չի կարող կոտրել իմ կամքը։

Վստահ եմ՝ արդարությունը հաղթանակելու, է եւ մենք միասնաբար լծվելու ենք մեր երկու պետությունների անվտանգության ամրապնդման ու կառուցման գործին»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կտրելով փորձը եռանդից մենք ունենում ենք նաեւ այն, ինչ ունենք. Ռոբերտ Քոչարյան
Փորձել եմ շատ անկեղծ շարադրել այն, ինչ եղել է, եւ դատելով արձագանքներից, ոնց որ...
Ռոբերտ Քոչարյանը Zoom-ով հանդիպում է ունեցել աջակիցների և համակիրների հետ
Քննարկվող հարցերը` ներքին և արտաքին քաղաքականությունից, Արցախյան հիմնախնդրից...
Ռոբերտ Քոչարյանի փաստաբան. դատախազության միջնորդության քննարկման վրա 2 նիստ կորցրեցինք
Ինչպես ավելի վաղ հայտնել էինք, դատավոր Աննա Դանիբեկյանը մերժեց դատախազության ոչ միանշանակ միջնորդությունը...
Քոչարյանի եւ մյուսների գործով դատավորը մերժեց դատախազության ոչ միանշանակ միջնորդությունը
Հաջորդ նիստը տեղի կունենա հուլիսի 14-ին ժամը 13:00-ին...
Պետք չի սպառնալ, մեզ էնքան են սպառնացել, որ ինչ էլ սպառնաք, նորություն չի լինելու. Ալումյանը՝ դատախազին
Մեղադրողն արդեն ձեր փոխարեն որոշել է ու դատական նիստին անտեսելով ձեզ, բացարձակապես ձեզ դատարանի տեղ չդնելով ինքն իր հարցերն է փորձում լուծել պաշտպանական կողմի հետ…
Ռոբերտ Քոչարյանի գործով դատավարությունը սկսվեց դատախազների միջնորդության քննարկումից
Հիշեցնենք, որ ըստ դատախազների՝ խոսքը «պաշտպանության կողմի իրավունքների չարաշահման» մասին է...