News
Լրահոս
News
Շաբաթ
Հոկտեմբեր 19
USD
476.34
EUR
530.17
RUB
7.45
ME-USD
0.07
Տեսնել լրահոսը

Ռուսաստանի եւ Հայաստանի արտաքին գործերի նախարարներ Սերգեյ Լավրովն ու Զոհրաբ Մնացականյանը Աշխաբադում ԱՊՀ ԱԳ նախարարների խորհրդի շրջանակում քննարկել են երկու երկրների առաջնորդների միջեւ ձեռք բերված պայմանավորվածությունների իրականացումը, հաղորդում է ՏԱՍՍ-ը:

«Այսօր Աշխաբադում ԱՊՀ ԱԳՆԽ շրջանակում լավ հնարավորություն ունենք քննարկելու երկկողմ հանդիպումն ու մեր առաջնորդների՝ ՌԴ նախագահի եւ ՀՀ վարչապետի միջեւ ձեռք բերված պայմանավորվածությունների իրականացումը: Մենք ինտենսիվ երկխոսություն ենք վարում առաջին դեմքերի, արտաքին գործերի նախարարների, արտաքին քաղաքականության գերատեսչության աշխատակիցների մակարդակով՝ դրան գումարած ինտենսիվ տնտեսական համագործակցությունը: Այնպես որ, այսօր մենք կարող ենք քննարկել, թե ինչ կարելի է անել, որպեսզի ամեն ինչ առանց խափանումների ընթանա»,- հանդիպման սկզբում ասել է Լավրովը:

«Անշուշտ, սա լավ հնարավորություն է՝ քննարկելու մեր փոխգործակցությունը միջազգային կազմակերպություններում՝ ԵԱՀԿ-ում, Եվրոպայի խորհրդում, ՄԱԿ-ում, եւ, իհարկե, հետխորհրդային տարածքի մեր ինտեգրացիոն միավորումներում»,- հավելել է նա:

Իր հերթին, Մնացականյանը նշել է Ռուսաստանի եւ Հայաստանի միջեւ փոխգործակցության բարձր ինտենսիվությունը: Նրա խոսքով՝ երկու երկրների միջեւ «ինչպես միջազգային, այնպես էլ երկկողմ հարաբերությունների օրակարգի բոլոր հարցերի շուրջ դրական փոխանակում է ընթանում»: 

ՀՀ ԱԳՆ լրատվական ծառայությունից փոխանցում են, որ արտգործնախարարները մտքեր են փոխանակել հայ-ռուսական դաշնակցային օրակարգային, բազմակողմ հարթակներում՝ ՄԱԿ, ԵԱՀԿ և այլն, ինչպես նաև ինտեգրացիոն գործընթացներում համագործակցությանն առնչվող տարաբնույթ հարցերի շուրջ: 

Նրանք քննարկել են տարածաշրջանային և միջազգային օրակարգի հրատապ խնդիրներ, այդ թվում՝ Սիրիայում տեղի ունեցող վերջին՝ Թուրքիայի գործողություններով պայմանավորված զարգացումները:

Հանդիպմանն արծարծվել է Լեռնային Ղարաբաղի հիմնախնդրի խաղաղ կարգավորման գործընթացը:

!
Այս նյութը հասանելի է նաև   English and Русский
Տպել
Ամենաշատ