News
Լրահոս
News
Շաբաթ
Հուլիս 13
Տեսնել լրահոսը

ՀՀ բարձր տեխնոլոգիական արդյունաբերության նախարար Հակոբ Արշակյանը մասնակցել է Հայկական առեւտրային ցանցի՝ «Հայաստան-Սփյուռք կայուն տնտեսական գործընկերության ուրվագծում» գործարար 4-րդ համաժողովի աշխատանքներին: Նախարարը հանդես է եկել զեկույցով՝ «Նոր Հայաստան, նոր հնարավորություններ» թեմայով:

Հակոբ Արշակյանը նախ կարեւորել է Հայկական առեւտրային ցանցի գործունեության դերը  աշխարհում, որից հետո անդրադարձել է Հայաստանի նոր իրողության պայմաններում բարձր տեխնոլոգիական ոլորտի զարգացմանն ուղղված  ՀՀ կառավարության ընձեռած հնարավորություններին, ոլորտի զարգացմանը միտված ծրագրերին եւ այդ ուղղությամբ իրականացվող քայլերին։

Նա խոսել է Բարձր տեխնոլոգիական արդյունաբերության նախարարություն ունենալու նպատակի մասին, որը երկար տարիների պատմություն ունի եւ որն իրողություն դարձավ անցած տարի մեր երկրում տեղի ունեցած հեղափոխության եւ Նոր Հայաստանի պայմաններում։

Նախարարը խոսել է այն մասին, որ եթե Հայաստանն աշխարհագրական դիրքի պատճառով որոշ դեպքերում կտրված է աշխարհից եւ տնտեսության շատ ճյուղեր հնարավոր չէ առաջ մղել, ապա տեխնոլոգիաների ոլորտում, որտեղ ավելացված արժեքը հիմնականում մարդու միտքն ու տաղանդն է,  չկան սահմաններ, Հայաստանը կարող է հասնել շոշափելի հաջողությունների։

Նախարարն ընդգծել է, որ եթե կա ուժեղ զարգացած տեխնոլոգիական պետություն, կա նաեւ հնարավորություն՝ զարգացնելու պաշտպանական տեխնոլոգիաները, որը դրական ազդեցություն կունենա նաեւ տնտեսության մյուս ճյուղերի վրա։

Իր զեկույցում Հակոբ Արշակյանը ներկայացրել է բարձր տեխնոլոգիական ոլորտի զարգացմանն ուղղված մի շարք ծրագրեր։

Նա խոսել է Հայաստանի՝ տարածաշրջանում որպես տեխնոլոգիական կենտրոն դառնալու  հնարավորությունների մասին։ Նախարարի խոսքով՝ դրա  համար պետք է քայլեր ձեռնարկել՝ տարածաշրջանի համար գայթակղիչ դառնալու համար։ Այդ ճանապարհին կարեւոր է ունենալ  համապատասխան էկոհամակարգ։ Նախարարն ընդգծել է, որ Հայաստանը կենտրոն կլինի այն ժամանակ, երբ հնարավորություն կլինի արդյունավետ օգտագործելու Հայկական առեւտրային ցանցը եւ հայկական Սփյուռքի ներուժը։

Հակոբ Արշակյանի խոսքով՝ այդ ճանապարհին իրականացվող կարեւոր ծրագրերից մեկը «Հայկական վիրտուալ կամուրջ»-ն է, որի օգնությամբ հնարավոր կլինի Հայաստանը մոտեցնելու տարածաշրջանային տեխնոլոգիական կենտրոն դառնալու նպատակին։

Դրա համար իրականացվող քայլերից մեկը որակյալ կադրեր ունենալու անհրաժեշտությունն է։ Կադրերի ուսուցման եւ վերապատրաստման համար եւս կան ծրագրեր։  Մասնավորապես, պայմանավորվածություն է ձեռք բերվել հայկական մի շարք տեխնոլոգիական ընկերությունների հետ, որոնք ունեն իրենց ուսուցման ծրագրերը, որպեսզի լավագույն այդ ծրագրերը ներդրվեն տեխնոլոգիական բուհերում, համալսարանական տարածքներում, ինչը թույլ կտա բարձրացնելու կրթական մակարդակի որակը։

Անդրադառնալով ենթակառուցվածքների մասով իրականացվող ծրագրերին՝ Հակոբ Արշակյանը մանրամասնել  է«Ինժեներական քաղաքի» դերն ու նշանակությունը։  Նա նշել է, որ այն հիմնականում ինժեներական ընկերությունների համար է: Այստեղ կենտրոնացված կլինեն այդ ռեսուրսները՝ համապատասխան լաբորատորիներով, փոքր արտադրական հզորություններով, որն անհրաժեշտ  կլինի, որպեսզի  ճշգրիտ ինժեներական եւ բարձր տեխնոլոգիական ընկերությունները կարողանան  իրականացնել իրենց գաղափարները։

Նախարարը խոսել է նաեւ «Ներուժ» ծրագրի մասին, որն իր էությամբ ու նպատակներով եւս կարեւոր ազդեցություն կունենա ոլորտի զարգացման վրա։ Հակոբ Արշակյանը նշել է, որ Սփյուռքի հարցերով  հանձնակատար Զարեհ Սինանյանի հետ ունեցած քննարկումների արդյունքում այդ ծրագիրն ինտեգրվել է «Հայկական վիրտուալ կամուրջ» ծրագրում։

Սա նշանակում է, որ իրական արժեքը վիրտուալ կամուրջն է, որը կապում է Հայաստանում գործունեություն ծավալող ձեռներեցներին եւ նորարարներին Սփյուռքի հետ։ Իսկ Սփյուռքի նորարարներին, ովքեր ցանկանում են գալ Հայաստան, ունեն գաղափարներ եւ նպատակներ այստեղ իրականացնելու համար, հնարավորություն է ընձեռվում Հայաստանում սկսել իրենց ստարտափը։

«Սա ծառայում է նախարարության ամենակարեւոր նպատակներից մեկին, կանխելու տաղանդի արտահոսքը եւ նպաստելու տաղանդի ներհոսքին»,- իր խոսքն այսպես է ամփոփել  Հակոբ Արշակյանը, որից հետ  պատախանել է ներկայացված զեկույցի շուրջ հնչած հարցերին։

!
Այս նյութը հասանելի է նաև   English
Տպել
Կարդացեք նաև
Ամբողջը
«ՎՈՅԱԺ 30» ինտերնետը ռոումինգում՝1000 ՄԲ-ը 1500 դրամով
Ընդամենը 1500 դրամով կարելի է ակտիվացնել ռոումինգում օգտագործման 30-օրյա ժամկետով...
Հայաստանում ակադեմիական քաղաքը կսկսի գործել 2030-ին. Ժաննա Անդրեասյան
Անդրեասյանն ասաց, որ այժմ քննարկվում է, թե որ փուլում ինչ աշխատանքներ պետք է իրականացվեն...
Ակադեմիական քաղաքի նախագծի իրականացումը կարող է տևել 20-30 տարի և կարժենա 5,7 միլիարդ դոլար
Վերջնական հատակագծի հաստատումը սպասվում է մինչև տարեվերջ, իսկ առաջին...
Իշխանությունը դժգոհություն չի ունեցել իմ աշխատանքի հետ կապված. Ավետ Պողոսյանն իրեն պաշտոնից ազատելու մասին
ՀՀ բարձր տեխնոլոգիական արդյունաբերության նախարարի տեղակալ Ավետ...
Երևանում կայացել է 3 333 000 FTN մրցանակային ֆոնդով 2-րդ B.F.T.H. Arena x Ortak մրցանակաբաշխությունը (ֆոտո)
Այս տարի ավելացել են ևս 3 անվանակարգեր։ «Խաղային լավագույն ձեռքբերում» է համարվել «PopOK Gaming»-ի  «FastMaster»-ը։ «Լավագույն արկադային խաղ է» «Gaming Corps»-ի «Mr․ First Mines»-ը...
Ucom ընկերության գլխավոր տնօրենը մասնակցել է  Silicon Mountains Shirak տեխնոլոգիական ֆորումին 
Թվային տեխնոլոգիաներն այսօր անհրաժեշտություն են բոլոր ոլորտներում...
Ամենաշատ
Ֆոտոռեպորտաժներ