Mountune արհեստանոցը Ford Focus RS-ի համար պատրաստել է մի քանի թյունինգ-հավաքածուներ։ Դրանցից ամենաարտադրողականը մոդելը վերածվում է 520 ձիաուժանոց հեչբեկի, գրում է Мотор-ը։
Focus-ի համար պատրաստել են տարբեր հզորության երկու հավաքածուներ։ m450 ինդեքսով առաջին փաթեթը թույլ է տալիս հեչբեկի հզորությունն ավելացնել՝ հասցնելով մինչեւ 450 ձիաուժի։ Տեղադրումը ենթադրում է գործարանային տուրբինի փոխանակում EFR-6758 ինդեքս ունեցող BorgWarner ագրեգատով, որը լրացուցիչ մշակում է անցել արհեստանոցում։
Երկրորդ փաթեթը ստացել է m52 ինդեքսը։ Այն 350 ձիաուժանոց Focus RS-ը վերածում է 520 ձիաուժանոց հեչբեկի։ Իր արտադրողականությամբ այն գերազանցում է նույնիսկ Mercedes-AMG A45-ին։
«Կրտսեր» թյունինգի արժեքը 2950 ֆունտ է։ Ավելի արտադրողական փաթեթն արժի երկու անգամ թանկ՝ 5974 ֆունտ։
