News
Լրահոս
News
Չորեքշաբթի
Դեկտեմբեր 11
USD
478.02
EUR
529.5
RUB
7.52
ME-USD
0.06
Տեսնել լրահոսը

Հանցավորության եւ հանցագործությունների բացահայտման վերջին տարիների ցուցանիշների վերլուծությունը վկայում է այն մասին, որ հանցագործությունները ոչ միայն եւ ոչ այնքան քանակական, որքան որակական փոփոխությունների են ենթարկվում: Փոփոխություններ են կրել հանցագործությունները ծնող պատճառներն ու դրանց նպաստող պայմանները, կատարելագործվել են դրանց կատարման մեխանիզմները: Հանցավորությունը դարձել է ավելի համակարգված ու կազմակերպված՝ ինչը պայմանավորված է առաջին հերթին կիրառվող ժամանակակից տեխնոլոգիաների ու մեթոդների կատարելագործման վրա: Հանցավորության նման տենդենցներն առաջացնում են հակազդման նոր միջոցների կիրառման, իրավապահ մարմինների միջեւ համագործակցության, անդրազգային հանցագործությունների պարագայում նաեւ միջազգային գործակցության, ընդհանուր առմամբ հասարակության մեջ հանցավոր վարքագծի անհանդուրժելիության եւ դրա դեմ քաղաքացիական դիրքորոշման դրսեւորման նոր մշակույթի ձեւավորման անհրաժեշտություն: 

Պայմանավորված վերոնշյալով՝ ՀՀ գլխավոր դատախազությունը նախաձեռնել է Հայաստանի Հանրապետությունում հանցավորության դեմ պայքարի ռազմավարության մշակման գործընթաց, ինչի մասին նշված է ՀՀ Ազգային ժողովին ուղղված՝ ՀՀ դատախազության 2018թ. գործունեության մասին հաղորդման մեջ: Դրա վերաբերյալ ՀՀ ԱԺ-ում հայտարարել է նաեւ ՀՀ գլխավոր դատախազ Արթուր Դավթյանը՝ նշելով, որ հանցավորության դեմ պայքարի ռազմավարության մշակումը դատախազությունը համարում է իր քրեական քաղաքականության հիմնական առաջնահերթություններից մեկը:

Այդ նպատակով ներկայումս ուսումնասիրվում է միջազգային փորձը՝ հիմքում, որպես հանցավորության դեմ պայքարի ռազմավարության հիմնական առանցք, ունենալով համակարգային մոտեցման որդեգրման, հանցավորության դեմ պայքարի միասնականության եւ հատկապես կանխարգելիչ բաղադրիչի ապահովման լայն գործիքակազմի կիրառման գաղափարները:

Հանցավորության դեմ պայքարի պատասխանատվությունը հիմնականում վերապահված է իրավապահ մարմիններին, սակայն առանց հանրային ներգրավման եւ նախաձեռնողականության այն մեծ արդյունավետություն ունենալ չի կարող: Համընդհանուր հասարակական իրավագիտակցության բարձրացմանը, կրթադաստիարակչական, տեղեկատվական ինստիտուտների լայն կիրառությամբ պետք է նպաստեն հանրային, սոցիալական պատասխանատվություն ունեցող բոլոր  կառույցները՝ հստակ նախանշված գործառույթների համատեքստում: 

Այդ պատճառով ՀՀ գլխավոր դատախազությունը լիահույս է, որ շահագրգիռ մասնագիտական շրջանակները, տվյալ ոլորտում մասնագիտացած հասարակական կազմակերպությունները կներգրավվեն հանցավորության դեմ պայքարի ռազմավարության մշակման գործընթացում՝ ներկայացնելով դրան վերաբերող իրենց գաղափարներն ու կոնկրետ առաջարկությունները: 

Տպել
Կարդացեք նաև
Ամբողջը
Հավին դաժանորեն սպանելու համար ուկրաինացուն 5 տարվա ազատազրկման են դատապարտել
Նշվում է, որ տղամարդը հավին առանձնակի դաժանությամբ է սպանել․․․
Դատարան ենք դիմել, որպեսզի ԱԱԾ-ն պարտավորվի քրեական գործ հարուցել 4 անձանց նկատմամբ.«Ադեկվադ»
Հետո դիմեցինք ԱԱԾ 4 հոգու՝ ոստիկանության նախկին և գործող պետերին, գլխավոր դատախազին և ՀՔԾ պետին քրեական պատասխանատվության...
8 տարի ցանկացել եմ տղա ունենալ. ծնողները պտղի մահվան համար մեղադրում են բժիշկներին
Հենց տանում են Վարդենիսի ծննդատուն կամ ծննդկանին կամ երեխային մի բան պատահում է...
Կոնգրեսական դեմոկրատները նախագահի դեմ երկու հոդվածով մեղադրանք են ներկայացրել
Ջերալդ նադլերը հայտարարել է, որ նախագահի գործողությունները վնաս են պատճառել ազգային անվտանգությանը․․․
Ճապոնիայի պաշտպանության նախկին նախարարի վրա կրակել են իր տան մոտ
Իր տան մոտ կրակել են Ճապոնիայի պաշտպանության նախկին նախարարի վրա...
Անաչառ չէ. Նազիկ Ամիրյանի պաշտպանը դատավորին ինքնաբացարկի միջնորդություն է ներկայացրել
Այս նիստին պետք է ապացույցների հետազոտման փուլ անկացվեր...