News
Լրահոս
News
Չորեքշաբթի
Դեկտեմբեր 02
USD
509.14
EUR
613.77
RUB
6.73
ME-USD
0.01
Տեսնել լրահոսը


Վարչապետ Նիկոլ Փաշինյանը հայտարարել էր, որ հայ-ռուսական հարաբերությունները փայլուն են, որ Արցախի հարցում ինքը պետք է բերի իր նոր հայեցակարգը: Այս մասին, այսօր՝ հոկտեմբերի 22-ին, լրագրողների հետ հանդիպման ժամանակ նշեց ՀՀԿ մամուլի խոսնակ Էդուարդ Շարմազանովը:

«Մենք այդպես էլ իր հայեցակարգը չտեսանք, թե որն է իր հայեցակարգը, որ ոչ Տեր-Պետրոսյանի, ոչ Ռոբերտ Քոչարյանի, ոչ էլ Սերժ Սարգսյանի հայեցակարգի շարունակությունը չէ: Միգուցե դա Ալիեւին կիրթ եւ նորմալ համարելն է կամ Դուշանբեի  վերելակում մութ պայմանավորվածությունների ձեռք բերումը: Բայց մի բան ակնհայտ է, որ առաջին անգամ մեր դաշնակից երկիրը իր ԱԳ նախարար Լավրովի շուրթերով «Վալդայի» ակումբում ուղիղ մեղադրանք է հնչեցնում բանակցությունները ապակառուցողական հուն տանելու համար ՀՀ ղեկավարությանը: Նախկին երեք նխագահների շրջանում համանախագահ որեւէ երկրի ԱԳ նախարար ՀՀ իշխանությունների հասցեին ուղիղ նման մեղադրանք չի հնչեցրել»,-ասաց Շարմազանովը:

Նա հավելեց, որ ապրիլյան պատերազմից հետո համանախագահների եւ հայկական կողմերի պնդմամբ առաջացավ Վիեննայի եւ Սանկտ Պետերբուրգի օրակարգը, որը դեղին քարտ էր Արդբեջանին ռազմական գործողություններ սկսելու համար: Այդ ժամանակ մենք ունենինք կոնսենսուս մինուս մեկ: Այսինքն համանախագահներ պյուս հայկական կողմեր մինուս Ադրբեջան: Նիկոլ Փաշինյանը «հորով-մորով» արեց Ժնեւի, Սանկտ Պետերբուրգի, Վիեննայի օրակարգը, դա այլեւս չկա: Դրանից հետո եկավ Միլանի հայտարարությունը, որտեղ կա «արդար լուծում» բառակապակցությունը, եւ բացակայում է ժողովուրդների ինքնորոշման իրավունքի թեզը: «Արդար լուծումը» այստեղ մի ձեւ ենք հասկանում, Ադրբեջանում ապրողները՝ լրիվ այլ բան:

Եթե ապրիլյան պատերամից հետո բոլորը մեղադրում էին Ադրբեջանին, այդ թվում ՀԱՊԿ գլխավոր քարտուղար Բորդյուժան նշեց, որ Ադրբեջանի գործողությունները սադրանք՝ են Հայաստանի հանդեպ, երբ ռուս համանախագահ Մերզլյակովը ուղիղ նշեց, որ Արցախը վաղ թե ուշ պետք է վերադառնա բանակցային սեղան, այսօր մենք տեսանք, որ Նիկոլ Փաշինյանի հայտարարությունից հետո համանախագահ երկրները դեղին քարտ ցույց տվեցին Փաշինյանին, իսկ Սերգեյ Լավրովը արդեն ուղիղ տեքստով մեղադրանք հնչեցրեց ՀՀ իշխանության հասցեին՝ բանակցությունները ապակառուցողական հուն տանելու մեջ: Սա քարտ-բլանշ է Ադրբեջանին եւ սրա մեղավորը այսօրվա իշխանություններն են»,-իր խոսքն ամփոփեց Շարմազանովը:

!
Այս նյութը հասանելի է նաև   English
Տպել
Կարդացեք նաև
Ամբողջը
«Ժողովուրդ». Ի՞նչ առաքելությամբ են եկել ռուս խաղաղապահները
Ընկերությունը ռուս սեփականատերերի ձեռքում է: Խոշոր բաժնետերը մեծահարուստ Ռոման Տրոցենկոն է, ով այս տարվա հուլիսից դարձել է...
«Հրապարակ». Ռուսական լրատվականների տվյալներով՝ Կարմիր խաչում 150 հայ գերիների մասին տվյալներ կան
Գերիների վերաբերյալ պաշտոնական տեղեկատվություն էլ այս պահին չկա, խոսվում է մի քանի հարյուր մարդու մասին...
Ֆրանսիայի ԱԳՆ-ը հայտարարել է, որ չի ճանաչում ինքնահռչակ Լեռնային Ղարաբաղի Հանրապետությունը
Նոյեմբերի 25-ին Սենատը բանաձեւ ընդունեց, որով կոչ է արվում Ֆրանսիայի իշխանություններին ճանաչել ինքնահռչակ Լեռնային Ղարաբաղի Հանրապետությունը․․․
«Հրապարակ». Սյունիքի սահմանի երկարությունը 60-70 կիլոմետրով ավելացել է
Մեղրու մի կողմն Իրանի Իսլամական Հանրապետությունն է, մյուս կողմից Նախիջեւանի հետ սահման ունենք՝ 70 կիլոմետր...
Զատուլինը պարզաբանեց, թե կարող է արդյոք հայկական կողմին այժմ ձեռնտու լինել ԼՂՀ կարգավիճակի հարցի լուծումը
Տարօրինակ կլիներ հիմա մտածել, որ այս ամենից հետո, ինչ տեղի ունեցավ, կդրվի Լեռնային Ղարաբաղի կարգավիճակի հարցը․․․
Զատուլինը գնահատել է Արցախի ճանաչման վերաբերյալ Ֆրանսիայի Սենատի բանաձեւի ընդունման հետեւանքները
Ֆրանսիան դրանով ցույց է տալիս իր վերաբերմունքն ու համակրանքը հայկական կողմի, Լեռնային Ղարաբաղի նկատմամբ․․․
Ամենաշատ