News
Լրահոս
News
Ուրբաթ
Նոյեմբեր 22
USD
476.69
EUR
528.46
RUB
7.47
ME-USD
0.06
Տեսնել լրահոսը


Ոստիկանության զորքերում զինծառայողների ինչպես անհատական, այնպես էլ կոլեկտիվ հատուկ պատրաստության նպատակով պարբերաբար մարտավարամասնագիտական զորավարժություններ են կազմակերպվում:

Ոստիկանությունից NEWS.am-ին հայտնում են, որ հոկտեմբերի 21-ին ոստիկանության զորքերի հրամանատար Վահե Ղազարյանի գլխավորությամբ հերթական զորավարժությունն անցկացվեց հասարակական կարգի պահպանության զորամասում:

Ըստ պայմանական իրադրության` քաղաքի բանուկ հատվածներից մեկում չարտոնված հավաքը դուրս է եկել կազմակերպիչների վերահսկողությունից, մասսայական անկարգություններ են տեղի ունենում, եւ հասարակական կարգը վերականգնելու անհրաժեշտություն կա:

Հատուկ օպերացիայի կազմակերպումից առաջ զորամասի հրամանատարը զորքերի ղեկավար կազմին է ներկայացնում ստեղծված իրավիճակը, անկարգություններ հրահրող անձանց գործողությունների բնույթը: Որոշվում է, որ օպերացիան պետք է անցկացնի երրորդ գումարտակը:

Գումարտակի հրամանատարը զեկուցում է ղեկավար կազմին, թե խմբակային խախտումների ակտիվ մասնակիցներին եւ կազմակերպիչներին մեկուսացնելու ուղղությամբ ինչ գործողություններ են պատրաստվում ծավալել` միաժամանկ ներկայացնելով, թե, ինչպիսի հատուկ միջոցներ ու մարտական ինչ տեխնիկա է անհրաժեշտ, ուժերի տեղաբաշխումն ինչպես է պատկերացնում:

Օպերատիվ պլանը հավանության է արժանանում: Հատուկ գումարտակն անցնում է առաջադրված խնդրի իրականացմանը:

Հասարակական կարգը պայմանականորեն խախտածները նույնպես ոստիկաններ են, միայն թե` քաղաքացիական հագուկապով:

Ոստիկանների զգուշացումներին հակառակ` մասսայական անկարգությունները շարունակվում են: Կարգազանցների ձեռքին մահակներ եւ վառելանյութով շշեր կան: Նախազգուշացնելուց եւ բավարար ժամանակ տալուց հետո ոստիկանության զորքերի ծառայողները սկսում են համապատասխան միջոցներ ձեռնարկել:

Լուսաձայնային հատուկ միջոցներ, ջրցան մեքենա... Հասարակական կարգի խմբակային խախտումների ակտիվ մասնակիցները մեկուսացվում են եւ տեղափոխվում ոստիկանության տարածքային բաժիններ:

Հասարակական կարգը վերականգնված է: Հնարավոր անկարգություններից խուսափելու համար ոստիկանները փշալարերով փակում են փողոցը` ենթադրյալ փողոցը: Չէ՞ որ այս ամենը վարժանք է` գործող անձինք ու հանգամանքերը` պայմանական:

Միջոցառումից անմիջապես հետո հրամանատարական կազմը ամփոփեց զորավարժության արդյունքները: Մարտական առաջադրանքը կատարված էր:

Տպել
Կարդացեք նաև
Ամբողջը
Մեքսիկայի հարավում պայթյուն է տեղի ունեցել հացի փռում
Մարմնական ծանր վնասվածքներ է ստացել առնվազն 11 մարդ, այդ թվում՝ մեկ երեխա…
Նոր Զելանդիայում վթարի է ենթարկվել թեթեւշարժիչային օդանավ
Օդանավը պատկանում էր Քենթերբերի շրջանի ավիաակումբին եւ վթարի պահին լճի վրա կատարում էր սովորական ուսումնական թռիչք…
Շոտլանդիայի նախկին վարչապետը կանգնել է դատարանի առջեւ՝ բռնաբարության փորձ կատարելու մեղադրանքով
Մեղադրական եզրակացության համաձայն, բռնաբարության փորձերը եւ ոտնձգությունները կատարվել են 2008-2014թթ․, երբ Սալմոնդը Շոտլանդիայի կառավարության ղեկավարն էր․․․
Գեղամա լեռներում կորել է ակտիվիստ, «Խարույկ» արշավական ակումբի ղեկավար Գեղամ Օհանյանը. SHANTNEWS
Որոնումները շարունակվում են…
Բենիամին Նեթանյահուին մեղադրանքներ են ներկայացրել
Գլխավոր դատախազ Ավիչայ Մանդելբլիտը առաջինն է հայտարարել գործող վարչապետի հանդեպ իր վերաբերմունքի մասին․․․
Բացահայտումներ. «ԶԻԼ»-ը բարձված էր 8 խմ, իսկ «Ֆորդը»՝ 4 խմ փայտանյութով
Սպիտակի բաժնի ծառայողներն ու ճանապարհային ոստիկանները ապօրինի ծառահատումներ են բացահայտել…
Ամենաշատ