Երկրորդ նախագահ Ռոբերտ Քոչարյանի եւ մյուսների գործով դատավոր Աննա Դանիբեկյանը կողմերին կոչ է արել հարգել միմյանց:
Դատարանի դահլիճից պարբերաբար հնչող առարկություններից եւ վեճերից բացի, կողմերը ժամանակ առ ժամանակ իրենց ոչ կոռեկտ գնահատականներ, անմեղության կանխավարկածի խախտում եւ վիրավորական արտահայտություններ են թույլ տալիս:
Տուժող կողմի ներկայացուցչի հերթական նման հայտարարությանն ի պատասխան՝ փաստաբան Հայկ Ալումյանը դատավորին հիշեցրեց, որ դատարանում կարգը պետք է պահպանի դատավորը: Դատավոր Դանիբեկյանը նախընտրեց կոչն ուղղել երկու կողմերին:
Հիշեցնենք, որ նիստում քննարկվում է դատախազ Պետրոս Պետրոսյանի բացարկի մասին փաստաբանների միանգամից երկու միջնորդություն: