Ապրիլի 8-ին ՅՈՒՆԵՍԿՕ-ի համաշխարհային մրցանակին մամուլի ազատության գործում ունեցած ավանդի համար արժանացել է իրանցի լրագրող Ահմադ Զեյդաբադին, ով դատապարտվել էր 6 տարի ազատազրկման` Իսլամական հանրապետության դեմ քարոզչություն տարածելու մեղադրանքով:
ՅՈՒՆԵՍԿՕ-ի գլխավոր տնօրեն Իրինա Բոկովան նշել է, որ Զեյդաբադին միշտ համարձակ արտահայտվել է խոսքի ազատության եւ մամուլի ազատության համար:
Զեյդաբադին, ինչպես նաեւ Իրանի ընդդիմության բազմաթիվ այլ ակտիվիստներ, դատվել էին 2009թ նախագահական ընտրություններից հետո պաշտոնական արդյունքների նկատմամբ ծագած զանգվածային բողոքի արդյունքում:
Նա «Ազադ» թերթի գլխավոր խմբագիրն էր, ինչպես նաեւ համագործակցում էր BBC-ի իրանական ծառայության հետ:
