News
Լրահոս
News
Երեքշաբթի
Մայիս 24
USD
452.7
EUR
484.71
RUB
8.02
Տեսնել լրահոսը

ՌԴ-ն եւ Թուրքիան չեն ընդլայնի Սոչիի համաձայնագրով համաձայնեցված անվտանգության գոտին Սիրիայի հյուսիս-արեւելքում։ Այս մասին լրագրողներին ասել է Սիրիայի գծով ՌԴ նախագահի հատուկ ներկայացուցիչ Ալեքսանդր Լավրենտեւը, տեղեկացնում է ՏԱՍՍ-ը։

«Ոչ, հուշագրի համաձայն, որը ստորագրվել է մեր նախագահներ (Վլադիմիր) Պուտինի եւ (Ռեջեփ Թայիփ) Էրդողանի կողմից, անվտանգության այդ գոտին կոնկրետ գոտի է։ Դա պետք է պահպանել այն տեսքով, որով կա այժմ։ Դա միակ ելքն է։ Ընդլայնումը ոչ մի լավ բան չի բերի»,- ասել է նա՝ պատասխանելով համապատասխան հարցին։

Լավրենտեւի խոսքով՝ այժմ իրավիճակը անվտանգության գոտում քիչ թե շատ կայուն է։ «Իհարկե, կան որոշակի սադրանքներ տարբեր կողմերից։ Բայց ընդհանուր առմամբ, կարծում եմ, մեզ հաջողվել է կայունացնել իրավիճակն այնտեղ։ Կարծում եմ, դա շատ լավ նշան է»,- ավելացրել է նա։

Ռուսաստանի եւ Թուրքիայի պատվիրակությունները երկկողմ խորհրդակցություններ են անցկացնում Սիրիայի վերաբերյալ բարձր մակարդակի հանդիպման շրջանակում՝ Աստանայի ձեւաչափով (Ռուսաստան, Իրան եւ Թուրքիա)։

ՌԴ պատվիրակությունը գլխավորում են Լավրենտեւը եւ արտաքին գործերի փոխնախարար Սերգեյ Վերշինինը։ Թուրքական կողմը հանդիպման է եկել երկրի արտաքին գործերի փոխնախարար Սեդաթ Օնալի գլխավորած պատվիրակությամբ։ Բանակցությունները տեղի կունենան դռնփակ։

Ռուսական պատվիրակությունը ՄԱԿ Սիրիայի գծով հատուկ դեսպանորդ Գեյր Պեդերսոնի հետ Նուր Սուլթանի բանակցություններում կքննարկի Սահմանադրական կոմիտեի աշխատանքը, ավելացրել է Լավրենտեւը։

«Մենք պարոն Պեդերսոնի հետ կքննարկենք այս հարցերը. ի՞նչ կարող ենք անել, ինչո՞վ կարող ենք օգնել Սահմանադրական կոմիտեի աշխատանքում քաղաքական առաջընթացի հասնելու համար, բայց կարծում եմ, որ չպետք է շտապել»,- ասել է նա։

Լավրենտեւի խոսքով՝ միջազգային հանրությունը Սիրիայի Սահմանադրական կոմիտեի աշխատանքի սկսվելու հետ կապված՝ մեծ ակնկալիքներ ունի։ «Հարցը բարդ է։ Ընթանում է կողմերի միջեւ տնտղման աշխատանք, որոնք նստել են բանակցությունների սեղանի շուրջ։ Եկեք սպասենք, համբերություն ունենանք։ Եվ ես կարծում եմ, որ այստեղ կարելի կլինի տեսնել դրական տեղաշարժեր հետագայում»,- ավելացրել է նա։

Լավրենտեւի խոսքով՝ Սիրիայի Սահմանադրական կոմիտեի աշխատանքը Ժնեւից Դամասկոս տեղափոխել առայժմ չի նախատեսվում, դրա համար անհրաժեշտ պայմաններ չկան։

«Գուցե, երբեւէ պայմաններ ի հայտ գան, երբ Սահմանադրական կոմիտեն կկարողանա հանդիպել Դամասկոսում»,- ասաց նա ի պատասխան կոմիտեն Ժնեւից Դամասկոս տեղափոխելու հարցին։

Լավրենտեւի խոսքով՝ Շվեյցարիայում Սահմանադրական կոմիտեի ստեղծման համար շատ ջանքեր են գործադրվել։

Ավելի վաղ ՄԱԿ-ում Սիրիայի մշտական ներկայացուցիչ Բաշար Ջաաֆարին, որը գլխավորում է սիրիական պատվիրակությունը Ղազախստանի մայրաքաղաքում ընթացող բանակցություններում, տեղեկացրել էր, որ Սիրիայի Սահմանադրական կոմիտեի հետ կապված հարցերը Աստանայի ձեւաչափով ընթացող բանակցությունների 14-րդ փուլում չեն քննարկվել երեքշաբթի, ՌԴ եւ արաբական հանրապետության պատվիրակությունների հանդիպման ժամանակ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Քուրդ մարտիկների եւ ԱՄՆ զինվորականների համատեղ պարեկախումբը Սիրիայի արեւելքում վնասվել է ականի պայթյունից
Սիրիայի արեւելքում ականի պայթյունից քուրդ մարտիկներ եւ ամերիկացի զինվորականներ են տուժել
Թուրքիան հայտարարել է, որ Ուկրաինայի իրավիճակը Իդլիբում խնդիրների չի հանգեցրել
Կարող ենք ասել, որ լուրջ փոփոխություններ չեն դիտարկվում․․․
Թուրքական զորքերը եւ անօդաչուները հարվածներ են հասցրել Սիրիայի հյուսիսային Աբու Ռասեյն շրջանի ուղղությամբ․ ԶԼՄ
Ականանետներից եւ նռնականետներից կրակն արձակվել է 2019թ․ թուրքական զորքերի կողմից ստեղծված սահմանային անվտանգության գոտուց․․․
Թուրքիան պատրաստվում է Սիրիայի հետ եւս կարգավորել հարաբերությունները. Cumhuriyet
Իսկ Հայաստանի հետ կարգավորման քայլերը համակարգվում է Ադրբեջանի հետ միասին....
Հայաստանը Հալեպի բուժհաստատություններին փոխանցել է 4 տոննա բժշկական և առողջապահական պարագաներ
Առողջապահության ոլորտի պատասխանատուններն իրենց երախտիքն են հայտնել...
Թուրքիան դիտարկում է Սիրիայի կառավարության հետ երկխոսություն սկսելու հնարավորությունը․ ԶԼՄ
Ըստ լրատվամիջոցի՝ քննարկումները կներառեն երեք կարեւոր թեմա՝ սիրիական պետության միասնական կառուցվածքի պաշտպանություն, Սիրիայի տարածքային ամբողջականության պահպանում եւ փախստականների անվտանգ վերադարձի ապահովում․․․
Ամենաշատ