Honda-ն կդառնա առաջին ճապոնական ավտոարտադրողը, որը շուկա բաց կթողնի ավտոմատացման երրորդ մակարդակով անվարորդ տրանսպորտ:

Երրորդ մակարդակի տեխնոլոգիաների վրա հիմնված անվարորդ ավտոմեքենաների վաճառքը նախատեսված է ընթացիկ տարվա կեսին, փոխանցում է ճապոնական Kyodo լրատվական գործակալությունը:

Նշվում է, որ գերմանական Audi ավտոընկերությունը Ճապոնիայում արդեն վաճառում է երրորդ մակարդակի անվարորդ տեխնոլոգիաներով մեքենաներ: Խոսքը 2018-ի մոդելային տարվա A8 նոր սեդանի մասին է, որը դարձել է ինքնավարության երրորդ մակարդակի համակարգով աշխարհում առաջին սերիական ավտոմեքենան:

AI Traffic Jam Pilot կոչվող համակարգը Audi A8-ին թույլ է տալիս անվարորդ ռեժիմում ընթանալ 60 կմ/ժամից ոչ արագ: Գերմանական ընկերությունում իրենց մշակումը դիրքավորում են որպես խցանումներում վարորդի օգնական:

Honda-ի նոր ավտոմեքենան, որը լայն հանրությանը հասանելի կդառնա 2020 թվականին, կկարողանա անվարորդ ռեժիմում լինել միայն երթեւեկության փոքր արագությամբ ճանապարհներին կամ խցանումների մեջ: Հիմա ավարտվում են թեստավորման վերջին փուլերը: