News
Լրահոս
News
Կիրակի
Փետրվար 23
USD
478.35
EUR
517.05
RUB
7.43
ME-USD
0.05
Տեսնել լրահոսը

Միացյալ Նահանգները պատրաստ է ձեռնարկել ամենավճռական դիվանագիտական եւ տնտեսական միջոցները սիրիական իշխանությունների եւ այն պետությունների դեմ, որոնք նրանց աջակցում են՝ Իդլիբում եւ Հալեպում բնակիչների վրա նրանց վերագրվող հարձակումների հետ կապված։ Այս մասին ասվում է երկուշաբթի ԱՄՆ պետքարտուղար Մայքլ Պոմպեոյի գրավոր տարածած հայտարարությունում, տեղեկացնում է ՏԱՍՍ-ը։

«Միացյալ Նահանգները լուրջ մտահոգությամբ հետեւում է Սիրիայի հյուսիս-արեւմուտքում տեղի ունեցող իրադարձություններին, որտեղ Ռուսաստանի, իրանական ռեժիմի, (լիբանանյան շիական) «Հեզբոլլահ» շարժման եւ (Սիրիայի նախագահ Բաշար) Ասադի միավորված ուժերը, ինչպես տեղեկացվում է, ծավալուն հարձակումներ են իրականացնում Իդլիբի եւ Հալեպի (նահանգի) արեւմտյան մասի բնակիչների դեմ։ Տեղեկացվում է, որ այդ ուժերը պատահական ընտրությամբ օդային ռմբակոծություններ եւ վերերկրյա գրոհներ են իրականացնում, որոնց հետեւանքով հազարավոր քաղաքացիական անձինք հայտնվել են գնդակոծության տակ Մաարեթ Էն Նուման (քաղաքում), ինչի հետեւանքով նրանք փախչելու տեղ չունեն։ Տեղեկացվում է, որ այլ շրջաններում տասնյակ հազարավոր մարդիկ փախչում են իրենց տներից»,- ասել է ամերիկյան դիվանագիտության ղեկավարը։ Նա մեղադրանքների ոչ մի ապացույց չի ներկայացրել, չի նշել աղբյուրները, որոնցից ստացել է այս տեղեկությունը։

Ավելի վաղ Թշնամական կողմերի հաշտեցման ռուսաստանյան կենտրոնի ղեկավար, գեներալ-մայոր Յուրի Բորենկովն ասել էր, որ «մի շարք տեղեկատվական ռեսուրսների տեղեկությունները Իդլիբի գոտում քաղաքացիական օբյեկտներին իբր ռուսական ավիացիայի կողմից հասցված հարվածների մասին չեն համապատասխանում իրականությանը»։ Նրա խոսքով՝ «հրադադարի ռեժիմն ուժի մեջ մտնելու սկզբից Ռուսաստանի ՕՏՈւ-ն մարտական թռիչքներ չի իրականացնում»։  

«Միացյալ Նահանգները պատրաստ է ձեռնարկել ամենավճռական դիվանագիտական եւ տնտեսական միջոցները Ասադի ռեժիմի եւ ցանկացած պետության կամ անձի դեմ, որոնք նպաստում են նրա դաժան օրակարգին»,- ասվում է պետքարտուղարի հայտարարությունում։ «Միացյալ Նահանգները դատապարտում է այդ չարդարացված հարձակումները Սիրիայի հյուսիս-արեւմուտքի բնակիչների դեմ։ Մենք կոչ ենք անում անհապաղ դադարեցնել կրակը եւ ապահովել հումանիտար կազմակերպությունների գործունեությունը տուժած շրջաններում՝ հարյուր հազարավոր մարդկանց տառապանքը թեթեւացնելու համար, ովքեր փախել են չդադարող ռմբակոծություններից»,- ասել է Պոմպեոն։ Նրա հավաստիացմամբ՝ Ռուսաստանի, Իրանի, «Հեզբոլլահի» եւ սիրիական բանակի գործողություններն «ուղղակիորեն խոչընդոտում են հրադադարի ռեժիմի հաստատմանը Սիրիայի հյուսիսում, ինչին կոչում է ՄԱԿ Անվտանգության խորհրդի 2254 բանաձեւը, ինչպես նաեւ իրենց տներ հարյուր հազարավոր տեղահանված անձանց վերադարձին Սիրիայի հյուսիսում»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ալբանիան արտահանձնել է Սիրիայում «Իսլամական պետության» շարքերում կռված ռուսաստանցուն
2013-ին նա մեկնել էր Սիրիա, որտեղ մասնակցել էր «Իսլամական պետություն» միջազգային ահաբեկչական կազմակերպության կողմից կառավարական ուժերի դեմ ռազմական գործողություններին...
Պուտինը մտահոգություն է հայտնել Էրդողանին Իդլիբում ծայրահեղականների ագրեսիվ գործողությունների կապակցությամբ
Ուշադրության կենտրոնում կրկին Իդլիբի ապաէսկալացիայի գոտում ձեւավորված իրավիճակն էր: Վլադիմիր Պուտինը լուրջ մտահոգություն է հայտնել շարունակվող…
Էրդողանն ու Պուտինը քննարկել են իրավիճակն Իդլիբում
Մեր նախագահն ընդգծել է ռեժիմը զսպելու անհրաժեշտությունը…
Էրդողանը հայտնել է Իդլիբում սպանված թուրք զինվորականների պաշտոնական թիվը
Սիրիայի հետ կապված նախատեսված է հեռախոսազրույց ՌԴ նախագահ Վլադիմիր Պուտի հետ...
Էրդողանը իրավիճակն Իդլիբում պատերազմ է անվանել եւ հայտարարել է Պուտինի հետ խոսելու մտադրության մասին
Առանց Սիրիայի հյուսիս-արեւմուտքում տեղի ունեցող բռնությունների դադարեցման Թուրքիան չի հեռացնի զորքերը Իդլիբի էսկալացիոն գոտուց...
ԱՀԿ-ն եւ Թուրքիան օգտվել են հրադադարից Լիբիայում` Սիրիայից վարձկաններ տեղափոխելու համար
«Անհրաժեշտ է, որպեսզի ԵՄ-ն կատարի իր դերը սիրիացի եւ թուրք ահաբեկչական վարձկաններին զենքի մատակարարման վերահսկման գործում...