Տղամարդը, որը պատանդ է վերցրել մարդկանց Թաիլանդի Նաքհոն Ռաթչասիմա քաղաքի առեւտրի կենտրոններից մեկում, կարողացել է լքել շենքը, որում թաքնվել է ավելի քան երկու ժամ, հաղորդում է ՌԻԱ Նովոստի-ն՝ հղում կատարելով տեղական ԶԼՄ-ներին:
Ինչպես պատմել է հեռուստաալիքի թղթակիցը, հանցագործը հրաձգություն է սկսել հատուկջոկատայինների ուղղությամբ բազմահարկ ավտոկայանատեղիում: Այնուհետեւ նա կրակել է մոտակայքում գտնվող գազի բալոնի ուղղությամբ, որի հետեւանքով հրդեհ է բռնկվել, եւ հեռացել է շենքից:
Նախնական տեղեկություններով՝ հրաձգության ընթացքում տուժել է երկու հատուկջոկատային:
Թղթակիցը հաղորդել է, որ տղամարդը մի քանի անգամ կրակ է արձակել փողոցում՝ կայանատեղու հարեւանությամբ:
Թաիլանդի ՊՆ տեղեկություններով՝ հրաձիգը ցամաքային զորքերի սերժանտ է: Նա պրոֆեսիոնալ զինվորական է, հրաձգության հրահանգիչ եւ դիպուկահար, որը վերապատրաստվել է հատուկ նշանակության ուժերի ծրագրով: