Ադրբեջանի խորհրդարանի ղեկավարությունն ամբողջությամբ փոխվել է: Միլի մեջլիսի նիստի ընթացքում ադրբեջանցի պատգամավորները ձայների մեծամասնությամբ խոսնակ են ընտրել Սահիբ Գաֆարովին:
64 տարեկան Գաֆարովը կրթությամբ բանասեր է: Նա խորհրդարանի պատգամավոր էր 2010 թվականից, հաղորդում է Turan-ը:
Առաջին փոխնախագահ է դարձել «Ենի Ադրբեջանի»-ի կողմից առաջադրված Ալի Հուսեյնլին: Նախկինում նա ղեկավարում էր իրավական քաղաքականության եւ պետականաշինության հարցերի հանձնաժողովը:
Անկուսակցականների փոխխոսնակ է ընտրվել նախկին ոստիկան Ադըլ Ալիեւը:
Խորհրդարանական փոքրամասնությունից փոխխոսնակ է ընտրվել Քաղաքացիական համերաշխություն կուսակցության անդամ Ֆազայիլ Իբրահիմլին:
