Ferrari իտալական ընկերությունը ժամանակավորապես դադարեցրել է սուպերքարերի արտադրությունը Մարանելու եւ Մոդենե հարթակներում COVID-19 վիրուսային հիվանդության տարածման պատճառով, գրում է Մոտոր-ը:
Իտալիայում COVID-19 հիվանդության սրընթած տարածման պատճառով լուրջ համաճարակաբանական իրավիճակն անխուսափելիորեն ազդել է ընկերության արտադրողական գործընթացների վրա: Իտալացիները սկսել են զգալ լուրջ խափանումներ կոմպլեկտավորման մասեր մատակարարելու կապակցությամբ, այդ պատճառով Ferrari-ի ղեկավարությունը որոշել է դադար տալ մինչեւ մարտի 27-ը: Միեւնույն ժամանակ նաեւ պաշտպանել աշխատակիցներին հնարավոր կորոնավիրուսային հիվանդությունից եւ վարակի դրա հետագա տարածումից:
Հարկադիր դադարի ժամանակ ընկերությունը կշարունակի վարձատրել իր աշխատակիցներին: Չի բացառվում, սակայն, որ ավտոմեքենաների արտադրության պլանավորված վերականգնումը կրկին կհետաձգվի, սակայն դա արդեն կախված կլինի երկրում եւ Եվրամիության տարածքում ընթացիկ իրավիճակից: Գործարանների աշխատանքը դադարեցնելու մասին որոշումը դյուրին չէր, նշում են Ferrari-ում: Բարձր տեխնոլոգիական ապրանքների արտադրության ծավալը սահմանափակելու պայմաններում կարեւոր է յուրաքանչյուր վայրկյանը, այդ պատճառով երկու շաբաթվա կորուստը բավականին դժվար կլինի լրացնել: