News
Լրահոս
News
Շաբաթ
Մայիս 25
Տեսնել լրահոսը

Եվրոպական առաջատար դատախազները հետաքննում են Եվրահանձնաժողովի նախագահ Ուրսուլա ֆոն դեր Լայենի և Pfizer-ի գործադիր տնօրեն Ալբերտ Բուրլայի միջև պատվաստանյութի վերաբերյալ բանակցությունների հետ կապված քրեական իրավախախտումների մեղադրանքները:

Ըստ Politico-ի՝ Եվրոպական դատախազության (EPPO) քննիչները վերջին ամիսներին փոխարինել են բելգիացի դատախազներին՝ հետաքննելով ֆոն դեր Լայենին՝ հանրային գործառույթներին միջամտելու, SMS հաղորդագրությունների ոչնչացման, կոռուպցիայի և շահերի բախման գործով:

Հետաքննությունն ի սկզբանե հարուցել են Բելգիայի դատական իշխանությունները Լիեժ քաղաքում 2023 թվականի սկզբին՝ տեղացի լոբբիստ Ֆրեդերիկ Բալդանի ներկայացված քրեական հայցից հետո:

Ավելի ուշ նրան են միացել Հունգարիայի և Լեհաստանի կառավարությունները, թեև Վարշավան հետ է կանչում իր հայցը Դոնալդ Տուսկի գլխավորած եվրոպամետ կառավարության՝ ընտրություններում տարած հաղթանակից հետո:

Բալդանի հայցը վերաբերում էր ֆոն դեր Լայենի և Pfizer-ի ղեկավար Ալբերտ Բուրլայի ենթադրյալ տեքստային հաղորդագրությունների փոխանակմանը՝ ԵՄ-ի ամենամեծ պատվաստանյութի գործարքից առաջ, «Pfizergate» անվանված գործով:

Հանձնաժողովը ցայսօր հրաժարվում է բացահայտել հաղորդագրությունների բովանդակությունը կամ նույնիսկ հաստատել դրանց գոյությունը։

Գործարքը, որը կնքվել է համավարակի գագաթնակետին՝ 2021 թվականին, ի սկզբանե դիտվում էր որպես ֆոն դեր Լայենի հաղթանակ: Սակայն գնված պատվաստանյութերի մեծ քանակը մինչև այժմ զարմանք է հարուցում:

Անցյալ տարեվերջին Politico-ն հայտնել էր, որ առնվազն 4 միլիարդ եվրոյի չափաքանակ վատնվել է: Դրանից հետո Pfizer-ի հետ պատվաստանյութի պայմանագիրը վերանայվել է:

Որոշ քաղաքական ընդդիմախոսներ փորձել են ճնշում գործադրել Հանձնաժողովի վրա՝ գործը քննարկելու համար, սակայն ֆոն դեր Լայենը մինչ օրս խուսափում է այն քննարկելուց:

Անհետացած տեքստային հաղորդագրությունների մասին ուղիղ հարցին ի պատասխան ֆոն դեր Լայենը հայտարարել է. «Ինչ պետք է ասվեր դրա մասին, ասվել է։ Սպասենք արդյունքներին»։

Եվրոպական կառավարությունների միասնական հայցը կշիռ է հաղորդում գործին:

Հունգարիան՝ ֆոն դեր Լայենի ուժեղ հակառակորդ Վիկտոր Օրբանի գլխավորությամբ, նույնպես հայց է ներկայացրել պատվաստանյութի վերաբերյալ Pfizer-ի հետ բանակցություններում Եվրահանձնաժողովի ղեկավարի դերի առնչությամբ:

Եվրահանձնաժողովի ներկայացուցիչը հայտնել է, որ Հանձնաժողովը մամուլի հոդվածներից բացի ոչ մի այլ տեղեկություն չունի հնարավոր վարույթների մասին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ