Արկանզասում ծխականները լիզել են եկեղեցու հատակը՝ ապացուցելու համար, որ կորոնավիրուսը «խաբեություն է», հաղորդում է Americaru-ն:
Արկանզասի բապտիստական եկեղեցու համայնքի ղեկավար Ջոշ Քինգը մտահոգություն է հայտնել կորոնավիրուսի շուրջ արձագանքի առիթով: Նա նշել է, որ իր եկեղեցու անդամները կարծում են, որ դա «խաբեություն է, որը քարոզում են լիբերալները»:
Նա հայտնել է, որ ծխականները պատրաստ են դիմել ամեն քայլի, որպեսզի ապացուցեն, որ այդ վիրուսից պետք չէ վախենալ: «Քահանաներից մեկն ասել է, որ իր եկեղեցու կեսը լիզել է հատակը, որպեզի ապացուցի, որ վիրուս չկա»,- ասել է նա:
Քինգը, ում եկեղեցին ընդունում է շաբաթական 1100 հավատացյալի, որոշել է ստանդարտ պատարագներ անցկացնել զգուշության որոշ հավելյալ միջոցներով:
