Հայաստանում նոր տեսակի կորոնավիրուսի տարածումը կանխելու համար հայտարարված արտակարգ դրության օրերին միջմարզային երթուղիները գրեթե չեն աշխատում, եւ այդ պատճառով դրանց տերերը կարող են օգնության համար դիմել հանրապետության կառավարությանը: Այս մասին մարտի 27-ին ՀՀ կառավարությունում տեղի ունեցած մամուլի ասուլիսին հայտարարեց ՀՀ տարածքային կառավարման եւ ենթակառուցվածքների փոխնախարար Արմեն Սիմոնյանը:
Ըստ նրա` հանրապետությունում արտակարգ դրություն հայտարարելուց հետո` մինչ պարետի կողմից միջտարածաշրջանային երթուղիների մասին որոշում կայացնելը, ուղևորների հոսքն արդեն կանգնել էր: «Մարտի 26-ին կառավարությունը որոշում է կայացրել սույն թվականի ապրիլի 1-ից բնակչության սոցիալապես անապահով խավերին եւ ձեռնարկություններին աջակցություն ցուցաբերելու մասին: Կարծում եմ, որ այս ոլորտում աշխատող ընկերությունները կարող են դիմել եւ աջակցություն ստանալ»,- ասաց Սիմոնյանը:
Հիշեցնենք, որ մարտի 16-ից ապրիլի 14-ը Հայաստանում արտակարգ դրություն է գործում` կորոնավիրուսի տարածումը կանխելու համար:
