News
Լրահոս
News
Երեքշաբթի
Հունիս 02
USD
483.02
EUR
536.78
RUB
6.92
ME-USD
0.03
Տեսնել լրահոսը

2020 թվականի սկզբին COVID-19- ի բռնկումից արդեն տուժել է ավելի քան մեկ միլիոն մարդ աշխարհի տարբեր անկյուններում: Պանդեմիան դարձավ համաշխարհային աղետ, որը խաթարեց առողջապահական, կրթական համակարգերը, զբոսաշրջության եւ, առհասարակ, կյանքի բոլոր ոլորտները:

«Այսօր բոլոր երկրներն են մարտահրավերների բախվում առողջապահության ոլորտում: Այնուամենայնիվ, մենք համոզված ենք, որ միասին կարող ենք հաղթահարել այս մարտահրավերը` լինելով ավելի միասնական, ավելի հոգատար եւ ավելի պատասխանատու: Տարիներ առաջ, երբ Հայաստանը դժվարին շրջան էր ապրում,  Շառլ Ազնավուրը կանգնեց երկրի եւ ժողովրդի կողքին՝  մարդասիրական գործունեություն ծավալելով Հայաստանում: Հավատարիմ մնալով Շառլ Ազնավուրի արժեքներին՝ այսօր էլ «Ազնավուր» հիմնադրամն է միանում համավարակի դեմ համաշխարհային պայքարին»,- ընդգծեց «Ազնավուր» հիմնադրամի համահիմնադիր եւ հոգաբարձուների խորհրդի նախագահ Նիկոլա Ազնավուրը:

Սերտորեն համագործակցելով ՀՀ առողջապահության նախարարության հետ՝ Հիմնադրամը հնարավոր է դարձրել 5000 հատ N95 հատուկ դիմակի եւ 1000 պաշտպանիչ հանդերձանքի ձեռքբերումը բժիշկների եւ բուժաշխատողների համար, ինչպես նաեւ ավելի քան 7000 լիտր հատուկ ախտահանիչ հեղուկի մատակարարումը բուժհաստատություններին, որը կբավարարի 2 ամսվա կարիքներն ու ավելի ապահով միջավայր կստեղծի մասնագետների համար, որոնք ամիսներ շարունակ բացառիկ նվիրումով աշխատում են՝ փրկելով բազմաթիվ կյանքեր:

«Ազնավուր» հիմնադրամն իր երախտագիտությունն է հայտնում յուրաքանչյուր բժշկի, բուժաշխատողի եւ կամավորի, ովքեր իրենց կյանքը վտանգում են այլոց փրկելու համար եւ օգնում են մեզ հաղթահարել այս համավարակը:

Հիմնադրամի նախաձեռնությանն աջակցել են «Հայաստան» հիմնադրամը եւ «Փիլիպոսյան եւ Փիլոսյան» հիմնադրամը Շվեյցարիայից, Արմեն Գրիշկյանը եւ այլ բարերարներ, որոնք չեն ցանկացել նշել իրենց անունը:

Օր առաջ այս մարտահրավերը հաղթահարելու համար մենք եւս խնդրում ենք հետեւել Առողջապահության նախարարության խորհուրդներին: Մնացե՛ք տանը եւ եղե՛ք առողջ:

!
Այս նյութը հասանելի է նաև   English
Տպել
Կարդացեք նաև
Ամբողջը
Emirates ավիաընկերությանը մինչեւ 4 տարի կպահանջվի՝ աշխատանքները վերականգնելու համար
Պարետի որոշմամբ՝ ժամանակավորապես կասեցվել է մի շարք տնտեսվարողների գործունեությունը
Հիմք ընդունելով 2020 թվականի մայիսի 31-ին իրականացված մշտադիտարկումների արդյունքում կազմված արձանագրությունները...
Իտալիայում հայտարարել են, որ կորոնավիրուսն արդեն մահվան մեծ սպառնալիք չի ներկայացնում
Մարտից սկսած կորոնավիրուսի կանխարգելման՝ իշխանության քայլերն անարդյունավետ և ուշացած են եղել. փաստահավաք խումբ
2020 թվականի մարտ ամսին անցկացվել է 3154 թեստավորում...
Կորոնավիրուսի դեմ հաղթանակի մասին հայտարարել դեռ վաղ է, սակայն ամենավատն անցել է․ Լիբանան
Վեց միլիոն բնակչությամբ երկրում արձանագրվել է վարակման զարմանալիորեն ցածր թիվ․․․
Վրաստանը չի կարող բացել սահմանը Հայաստանից զբոսաշրջիկների համար․ Ամիրան Գամկրելիձե
«Առաջին հերթին զբոսաշրջիկները կլինեն «կանաչ» երկրներից։ Զբոսաշրջության վարչությունը աշխատում է այդ ուղղությամբ․․․
Ամենաշատ