Երբ 2018 թվականին Հայաստանը սկսեց ղեկավար Նիկոլ Փաշինյանը, ով մի քանի տարի բանտարկված է եղել 2008 թվականի մարտին զանգվածային անկարգություններ կազմակերպելու համար, շատ արագ շեշտը դրվեց նրա «քաղաքական թշնամիների» վրա, գրում է «Կոմսոմոլսկայա պրավդա» թերթը: Մասնավորապես, հոդվածում ասվում է.
«Նոր «արդարադատության» թիրախում հայտնվեց Ռոբերտ Քոչարյանը: Նրան մեղադրեցին 2008 թվականի մարտին Երեւանում ազգային ապստամբությունը ճնշելու մեջ: Քոչարյանը՝ որպես այդ ժամանակ պետության գործող ղեկավար, պարտավոր էր արտակարգ դրության ռեժիմ հայտարարել: ՀՀ երկրորդ նախագահի օրինական գործողությունները թույլ տվեցին խուսափել ավելի մեծ արյունահեղությունից: Արդեն 2008-ի ապրիլին Քոչարյանը թողեց պաշտոնը: Իսկ մարտյան անկարգությունների հրահրողները, այդ թվում ապագա վարչապետ Փաշինյանը, դատապարտվեցին՝ պետական հեղաշրջման փորձի եւ մարդկանց վնաս հասցնելու համար: Սակայն 10 տարի անց արդեն Փաշինյանի օրոք նախկին նախագահ Քոչարյանին ձերբակալում եմ սահմանադրական կարգի տապալման համար: Մեղադրանքի անհեթեթությանն անդրադարձել են նաեւ Ռուսաստանում, մասնավորապես, ՌԴ ԱԳՆ-ում: ՌԴ նախագահ Վլադիմիր Պուտինը Երեւանում հանդիպել է Քոչարյաններին: Ռուսական կողմը բազմիցս նշել է, որ այդ գործը կրում է ոչ թե քրեական, այլ քաղաքական բնույթ: Եվ դա հերթական անգամ ապացուցում է, որ այդ հնչեղ գործի 900 վկաներից ոչ մեկ չի հաստատել մեղադրական վարկածը, որ Քոչարյանը հրամայել է կրակել մարդկանց: Արդյունքը հետեւյալն է. նախկին ախագահին 500 օր բանտում պահում առանց դատավարության: Նա կարող է բանտում նշել իր 66-ամյակը: Ընդ որում, հայ քաղաքական մի շարք գործիչներ ի պաշտպանություն Քոչարյանի հանձնաժողով են ստեղծել: ՀՀ իշխանությունները կարծես վստահ են, որ վրեժխնդրությունը ուտեստ է, որը սառն են մատուցում…»:
