Ղրղզստանը Ռուսաստանին խնդրել է նվազեցնել գազի գինը, հաղորդում է ՌԻԱ նովոստին:
Երկուշաբթի Ղրղզստանի փոխվարչապետ Էրքին Ասրանդիեւը օնլայն հանդիպում է ունեցել ՌԴ փոխվարչապետ Ալեքսեյ Օվերչուկի հետ: Կողմերը քննարկել են գազի գնի նվազեցման հարցը:
«Մեզ համար այդ հարցը շատ զգայուն է: Կորոնավիրուսի տարածումը, գործարար ակտիվության նվազեցումը, ազգային արժույթի դեվալվացիան հանգեցրել են բնակչության սպառողունակության նվազեցմանը: Այդ պատճառով Ղրղզստանը խնդրում է վերանայել գազի գինը»,-ասել է Ասրանդիեւը:
Ռուաստանը Ղրղզստան բնական գազի հիմնական մատակարարն է: 2014 թվականին «Գազպրոմը» ձեռք է բերել ղրղզական ազգային «Ղրղզգազ» օպերատորի 100 տոկոս բաժնեմասերը: