Ամերիկյան Apple կորպորացիան ներկայացրել է iOS օպերացիոն համակարգի թարմացումը, որը մի շարք գործառույթներ ունի, որոնք ավելի հարմար են կորոնավիրուսի համավարակի պայմաններում բջջային սարքերով օգտագործելու համար, փոխանցում է ՏԱՍՍ-ը:
iOS 13.5 նոր տարբերակն արդեն հասանելի է ներբեռնման համար: Թարմացումը թույլ կտա աջակցել նոր կորոնավիրուսով վարակված անձանց շփումներին հետեւող տեխնոլոգիային, որը Apple-ը մշակել է Google-ի հետ համատեղ՝ Android օպերացիոն համակարգում iOS սարքերի փոխգործակցության համար: Ընդ որում՝ տեխնոլոգիական հսկաները խոստանում են չխախտել վարակվածների եւ նրանց ծանոթների անձնական կյանքի անձեռնմխելիության սկզբունքը:
Սակայն հատուկ հավելվածները, որոնք կարող են աշխատել այս տեխնոլոգիայի հիմքով, անհրաժեշտ կլինի լրացուցիչ ներբեռնել: Ըստ Apple-ի մտահղացման՝ այդպիսի հավելվածները պետք է ստեղծեն դրանում շահագրգռված տարբեր երկրների առողջապահության նախարարությունները:
Դրանից բացի, iOS 13.5-ում կատարելագործված է Facetime-ի խմբային տեսահաշվետվությունը, ինչպես նաեւ հայտնվել է դեմքին բժշկական դիմակի ճանաչման գործառույթ: Դրա շնորհիվ Face ID-ը համակարգ մտնելու համար օգտատիրոջ դեմքը նորից չի սքանավորի, այլ միանգամից կառաջարկի գաղտնաբառը մուտք անել:
