News
Լրահոս
News
Հինգշաբթի
Հունիս 04
USD
482.38
EUR
540.89
RUB
7.05
ME-USD
0.03
Տեսնել լրահոսը

Սաուդյան Արաբիայի արտաքին գործերի նախարարությունը հայտարարել է, որ չի աջակցում իսրայելական գործողություններին, որոնք ուղղված են «Հորդանան գետի Արեւմտյան ափի գրավմանը» եւ Իսրայելական ինքնիշխանության տարածմանն այս տարածքի վրա, փոխանցում է RG-ն:

Թագավորությունը դատապարտում է ցանկացած միակողմանի միջոցառում եւ ՄԱԿ-ի Անվտանգության խորհրդի բանաձեւերի ցանկացած խախտում, ինչպես նաեւ ցանկացած բան, ինչը կարող է խաթարել խաղաղության գործընթացը վերսկսելու եւ տարածաշրջանում անվտանգության եւ կայունության հասնելու հնարավորությունները, փոխանցում է SPA սաուդյան լրատվական գործակալությունը:

Սաուդյան Արաբիայի արտաքին գործերի նախարարության հայտարարության մեջ նշվում է նաեւ «եղբայրական պաղեստինյան ժողովրդի նկատմամբ ամուր դիրքորոշումը եւ Արևելյան Երուսաղեմում պաղեստինյան անկախ պետություն ստեղծելու վճռականությունը»: Բացի այդ, Թագավորությունը հայտարարել է « բանակցային գործընթացին աջակցելու մասին՝ միջազգային օրենսդրությանը համապատասխան»:

Անցած շաբաթ Իսրայելի վարչապետ Բենյամին Նեթանյահուն հայտարարել էր, որ նոր կառավարության օրոք նա կարող է օգտվել գրավյալ Արեւմտյան ափին գտնվող «Հրեական բնակավայրերի եւ Հորդանան գետի հովտի» մասին իսրայելական օրենքից, «որտեղ ծնվել եւ մեծացել է հրեա ժողովուրդը»:

Չորեքշաբթի միջազգային հանրությունը քննադատել էր Իսրայելի ծրագրերը՝ մինչեւ հուլիս Արեւմտյան ափի մի մասի բռնակցման մասին, մինչդեռ Միացյալ Նահանգները հայտարարել էին, որ ՄԱԿ-ի Անվտանգության խորհրդի հայտարարությունները «փոքր-ինչ նման են միմյանց»:

 

!
Այս նյութը հասանելի է նաև   English and Русский
Տպել
Ամենաշատ