Կորոնավիրուսի համավարակը օտարերկրացիներին չի խանգարել գնելու համար բնակարան փնտրել Իտալիայում: COVID-19-ի պատճառով երկրում անշարժ գույքի ներքին եւ արտաքին պահանջարկն ընդհանուր առմամբ նվազել է, բայց շուկայում ոչ ռեզիդենտների բաժինը մեծացել է, հայտնում է Idealista պորտալը՝ վկայակոչելով սեփական հետազոտությունը:
Վերլուծաբանների տեղեկություններով՝ մարտին եւ ապրիլի առաջին կեսին ժամանողներն ավելի հաճախ հետաքրքրվել են Լոմբարդիայում օբյեկտներով՝ Իտալիայի մարզ, որն ամենաշատն է տուժել համավարակից: Շատերը, հավանաբար, հույսը դնում են նշված գոտում անշարժ գույքի գների անկման վրա, արձանագրում են փորձագետները:
Օտարերկրացիները համավարակը սկսվելուց հետո շտապել են անշարժ գույք գնել նաեւ Սիցիլիայում, Սարդինիայում, Ապուլիայում, Կալաբրիայում, Տոսկանայում, լճերի «մեծ քառյակի» շրջաններում (Կոմո, Գարդա, Իզեո եւ Մաջոր) եւ երկրի լեռնադահուկային հանգստավայրերում:
«Չնայած Հյուսիսային Իտալիան ամենից շատ է տուժել առողջապահության ոլորտի ճգնաժամից, լճերին սահմանակից նահանգներում անշարժ գույքի միջազգային պահանջարկն աճում է: Այս վայրերը հետաքրքրում են ԱՄՆ-ից, Գերմանիայից, Ռուսաստանից, Շվեյցարիայից, Մեծ Բրիտանիայից եւ Ֆրանսիայից գնորդներին: Մենք COVID-19-ի տարածման շրջանում միջազգային պահանջարկի զգալի անկում չենք նկատել»,- հայտարարել է Իտալիայում Idealista-ի գլխավոր վերլուծաբան Ջադա Մարինոն: