Ոստիկանության սոցիալ-տնտեսական վիճակը կլինի նոր իշխանությունների ուշադրության կենտրոնում: Այս մասին այսօր հայտարարել է Արցախի նախագահ Արայիկ Հարությունյանը:
Նա նշել է, որ համակարգում աշխատավարձերը թույլ չեն տալիս լուծել կարեւոր սոցիալական խնդիրները, այդ պատճառով պետությունը կձգտի ապահովել բարձր սոցիալ-տնտեսական երաշխիքները:
«Բացի այդ, առանց բացառության ոստիկանության բոլոր աշխատակիցները կներգրավվեն «Մեկ ընտանիք՝ մեկ բնակարան» ծրագրին, որի շրջանակում կկարողանան օգտվել հասանելի հիփոթեքային վարկերից: Երկրում շուտով կսկսվեն լայնամասշտաբ շինարարական ծրագրեր»,-հավելել է Արցախի նախագահը: