Իռլանդիայի վարչապետ Լեո Վարադքարը ընկերների հետ բացօթյա խնջույքի է մեկնել կորոնավիրուսի համավարակի ժամանակ՝ դրանով խախտելով իր իսկ մտցրած սոցիալական հեռավորության պահպանման միջոցառումները: Երկրի լրատվամիջոցները եւ բնակչությունը խստորեն դատապարտել են նման գործողությունը, հայտնում է New York Post-ը:
Լրագրողները Վարադքարին լուսանկարել են մայրաքաղաքի այգիներից մեկում, երբ նա արեւահարվում էր առանց մարզաշապիկի:
Պետության ղեկավարն այգի է ուղեւորվել ընդամենը մեկ օր հետո այն բանից, երբ իշխանությունները քաղաքացիներին խնդրել են խուսափել բացօթյա խնջույքներից եւ ընդհանրապես առանց անհրաժեշտության փողոց դուրս գալուց:
Երկրի առաջնորդի նման պահվածքը առաջացրել է տեղացիների դատապարտման ալիք: Համացանցում նրանցից շատերը վարչապետին կոչ են արել անհապաղ հրաժարական ներկայացնել:
Վարչապետի մամուլի քարտուղարը, փորձելով արդարացնել Վարադքարի գործողությունները, հայտարարել է, որ պետության ղեկավարը ոչ մի նորմ չի խախտել, քանի որ իր գտնվելու մշտական վայրից եղել է 3 մղոնի սահմաններում եւ չի հավաքվել 4 մարդուց ավելի խմբով:
