«Յանդեքս.Մարկետի» փորձագետները պատմել են, թե ո՞ր պարամետրերի վրա պետք է ուշադրություն դարձնել նոութբուք ընտրելիս, հաղորդում է RG-ը:
Նրանց կարծիքով՝ առաջին հերթին պետք է նայել էկրանի անկյունագծին, օպերատիվ հիշողությանն ու մարտկոցի աշխատանքին:
Մասնագետները խորհուրդ են տալիս ընտրել 15,6 դյույմ անկյունագծով նոութբուքներ: Այն հարմար է ինչպես աշխատանքի, այնպես էլ խաղերի համար: 17 դյույմով նոութբուքը լավ տարբերակ է տան համար:
Եվ իհարկե, որքան շատ օպերատիվ հիշողություն, այնքան լավ: Կինոդիտման համար բավական է 4-6 ԳԲ, իսկ աշխատանքի համար՝ 8-12 ԳԲ:
Փորձագետները նշում են, որ ժամանակակից նոութբուքերում մարտկոցները նախատեսված են միջինում 8-10 ժամ առանց լիցքավորման աշխատանքի համար: