News
Լրահոս
News
Չորեքշաբթի
Մայիս 18
USD
454.86
EUR
478.29
RUB
7.18
Տեսնել լրահոսը

Վրաստանը որոշել է կորոնավիրուսի բուժման համար կրկին հիդրօքսիքլորոքին կիրառել: Այս մասին հայտնել է Թբիլիսիի ինֆեկցիոն հիվանդությունների, ՄԻԱՎ-ի եւ կլինիկական իմունալոգիայի կենտրոնի տնօրեն Թենգիզ Ցերցվաձեն, հաղորդում է «Նովոստի Գրուզիա»-ն: 

«Պլակվենիլը» (հիդրօքսիքլորոքին) հակամալարիական դեղամիջոց է, որը չափավոր հակաբորբոքիչ ազդեցություն է գործում աուտոիմուն հիվանդությունների ժամանակ:

Մայիսի 25-ին ԱՀԿ-ն հայտարարել է հիդրօքսիքլորոքինի կիրառման ժամանակավոր դադարեցման մասին: Որոշ հետազոտություններ ցույց են տվել, որ այդ դեղամիջոցի կիրառումը ոչ միայն անարդյունավետ է, այլ նաեւ կարող է մեծացնել պացիենտի մահվան հավանականությունը:

Միեւնույն ժամանակ, նշվում է, որ 3 ամսվա ընթացքում Վրաստանում հաջողությամբ կիրառել են դեղամիջոցը եւ պացիենտների մոտ որեւէ բարդություն կամ կողմնակի էֆեկտներ չեն գրանցվել:

Ցերցվաձեի խոսքով՝ առաջատար փորձագետները կասկածում են «Պլակվենիլի» ոչ անվտանգության մասին եզրակացությունների ճշգրտությանը:

Նա նշել է, որ դեղամիջոցը Վրաստանում կորոնավիրուսի դեմ կիրառվում մի քանի դեղամիջոցներից մեկն է: Նա վստահեցրել է, որ բոլոր պացիենտներին անհատական մոտեցում է ցուցաբերվում: 

Նրա խոսքով՝ կիրառվում են նաեւ «Ռիտոնավիր», «Տոցիլիզումաբ», ռեկոնվալեսցենտային պլազմայի կիրառում, պլազմաֆերեզ, հեմոդիալիզ:

Ցերցվաձեն նաեւ նշել է, որ բուժման հարցում Վրաստանի հաջողությունը պայմանավորված է ոչ միայն «Պլակվենիլի» կիրառմամբ, այլ այնպիսի գործոններով, ինչպիսին է ինտուբացիայից հրաժարումը: Եվ հենց այդ պատճառով, նրա խոսքով, Վրաստանում գրանցվել է 1 մլն բնակչությանը բաժին ընկող կորոնավիրուսից մահացության ամենացածր մակարդակը Եվրոպայի 48 երկրների շրջանում:

Նա նաեւ հիշեցրել է, որ Վրաստանի պայքարը հաջող է համարում ոչ միայն ԱՀԿ-ն, այլ հեղինակավոր միջազգային կազմակերպություններ եւ փորձագետներ:

Վրաստանում փետրվարի 26-ից հունիսի 6-ը հաստատվել է կորոնավիրուսով վարակման 808 դեպք: Ապաքինվածների թիվը հասնում է 663-ի, այսինքն՝ ապաքինվել է վարակվածների ավելի քան 82%-ը: Կարանտինի մեջ է գտնվում 2955 մարդ, ստացիոնարներում հսկողության տակ է գտնվում 276 մարդ: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Առցանց վեբինար. Ժաննա Անդրեասյանի մասնակցությամբ քննարկվել է դպրոցների անվտանգության ապահովման հարցը
Հավելենք, որ Դպրոցների համապարփակ անվտանգության (CSS) շրջանակը ներդրվել է 2012 թ. և թարմացվել 2016 թ.՝ հիմք ստեղծելով Անվտանգ դպրոցների…
Հարավային Կորեան փորձել է Հյուսիսային Կորեային օգնություն առաջարկել քովիդի դեմ պայքարում
Փհենյանի իշխանությունները չեն արձագանքել Հարավային Կորեայի նախաձեռնությանը...
Հայաստանում կատարվել է կորոնավիրուսի դեմ 2 միլիոն 188 հազար 62 պատվաստում
Բուստեր՝ երրորդ դեղաչափ ստացել է 51 հազար 361 մարդ...
ՄԱԿ-ը պատրաստ է օգնել ԿԺԴՀ-ին կորոնավիրուսի բռնկման դեմ պայքարում
Մենք մտահոգությամբ հետեւում ենք կորոնավիրուսի բռնկմանը ԿԺԴՀ-ում:
Կիմ Չեն Ընն առաջին անգամ հանրությանը ներկայացել է դիմակով
Հյուսիսային Կորեայի առաջնորդը հանրությանն է ներկայացել բժշկական դիմակով...
Հյուսիսային Կորեայում կորոնավիրուսով վարակման առաջին դեպքն է հայտնաբերվել
Հյուսիսային Կորեայի տարածքում կորոնավիրուսով վարակման առաջին դեպքն է հայտնաբերվել, նշել է Կորեայի կենտրոնական հեռագրական գործակալությունը...
Ամենաշատ