Օդանավի տոմսը չի կարող վաճառվել ինքնարժեքից ցածր. դա նշանակում է, որ երկրները սկսում են վերջ տալ լոուքոստ ԱՉՔԱԿԱՊՈւԹՅԱՆԸ: Այս մասին Facebook-ի իր էջում գրել է վարչապետի նախկին խորհրդական Հակոբ Ճաղարյանը:
Նա, մասնավորապես, նշել է. «Այո, լոուքոստ տեղափոխումների գաղափարի հիմքում դրված է էժան գներով ուղևորին հրապուրելը:
Մեծ հաշվով` ուղևորին չպիտի էլ հետաքրքրի, թե ոնց է այդ գինը ստացվել էժան: Նա բավարարվում է իր գրպանից պակասող գումարի քիչ լինելով:
Եվ չպիտի մտածի, թե ով է վճարում տարբերությունը, և ինչ ճանապարհներով վճարողն իրենից հետ կստանա այդ գումարը:
COVID-19 կարգավորում է աշխարհը:
Իրենց տնտեսություններով շահագրգիռ պետությունները սկսել են ավիացիայի պաշտպանությունը:
Ավելացնում են տուրքերը, պահանջում նրանց կիրառումը բոլորի նկատմամբ առանց բացառությունների, արգելում ինքնարժեքից ցածր տոմսերի վաճառքը, անկախ սուբսիդավորման աղբյուրից...
Համոզված եմ, որ կկիրառվեն մի շարք ավելի խիստ մեթոդներ: Շատ արագ կավելանա Ավստրիային սատարող երկրների ցանկը:
Կմիանա՞ արդյոք Հայաստանը իր տնտսության և ինքնիշխանության ռազմավարական ոլորտը պաշտպանող երկրների շարքին, թե՞ Wizz կամ Ryan կհրավիրի Հայաստանից աշխատի որպես իր բազա միգուցե ի վերջո որպես հիմնական ավիափոխադրող կհրավիրի ԵԱՏՄ «գլխավոր գործընկերո՞ջը»...
Ամեն պարագայում`
Հայկական Ավիացիան ոչնչացնողները ստիպված չեն լինի երկար սպասել իրենց դատավճռին»:
