Իտալիայի վարչապետ Ջուզեպե Կոնտեին կհարցաքննեն՝ կապված այն հետաքննության հետ, թե ինչպես են իշխանություններն արձագանքել կորոնավիրուսի բռնկմանը իտալական հյուսիսային Բերգամո քաղաքում, որը համաճարակից առավել շատ տուժած շրջաններից է, հայտնում է Reuters-ը։
«Ես բոլորովին չեմ անհանգստանում»,- լրագրողներին ասել է Կոնտեն՝ հավելելով․ «Մենք ուրբաթ օրը կզրուցենք, եւ ես կփոխանցեմ ինձ հայտնի բոլոր փաստերը։ Նա տեղեկացրել է, որ ինքը հետաքննության տակ չի գտնվում։
Դատախազները պարզում են, թե ինչու բռնկման սկզբում փակ չեն եղել Բերգամոյի շուրջ շատ տուժած շրջանները, եւ արդեն հարցաքննել են Լոմբարդիայի (որի կազմում է Բերգամոն) նահանգապետին ու առողջապահության վարչության պետին։
