Կրկնակի թեստավորման շնորհիվ կորոնավիրուսով իմ վարակումը հաստատվել էր մայիսի 31-ին-հունիսի 1-ին: Եվ քանի որ ես վաղ առողջացա, ստացվում է, որ մինչեւ իմ վարակման հաստատումը դեռեւս մեկ շաբաթ առաջ վարակված էի կորոնավիրուսով: Այս մասին հունիսի 12-ին Ազգային ժողովի արտահերթ նիստում ասաց վարչապետ Նիկոլ Փաշինյանը՝ պատասխանելով պատգամավորների հարցերին:
Վարչապետի խոսքով՝ սա ամենեւին լավ նորություն չէ:
«Սակայն դրական պահ է այն, որ մայիսի 23-ից հետո ես առանց դիմակի ոչ մի շփում չեմ ունեցել՝ բացառությամբ ընտանիքիս շրջապատում»,- ասաց վարչապետը:
Փաշինյանը նաեւ հայտնեց, որ իր հետ շփումների ժամանակ ոչ մեկը չի վարակվել, ինչը հերթական անգամ ապացուցում է, որ դիմակների կրումը միանգամայն արդյունավետ է: