Ես եւ առողջապահության նախարար Արսեն Թորոսյանը բազմիցս քննարկել ենք եւ քննարկում ենք բուժաշխատողներին սոցիալական երաշխիքներ տրամադրելու հարցը: Այս մասին հունիսի 12-ին Ազգային ժողովի արտահերթ նիստում ասաց վարչապետ Նիկոլ Փաշինյանը՝ պատասխանելով պատգամավորների հարցերին:
Վարչապետի խոսքով՝ իրենք այս հարցում դեռեւս ամբողջական որոշում չունեն պոլիկլինիկաների առումով: «Բայց առաջիկայում մենք կգտնենք ճիշտ լուծումները: Այս ամենը կապված է մյուս բուժաշխատողների հետ, բայց այստեղ հենց այդպես էլ արվում է»,- ասաց Փաշինյանը:
